Рэйтынгі брытанскіх кансерватараў упалі да рэкорднага мінімуму

Ультраправыя замацавалі лідарства.

Брытанскія кансерватары ўпалі на чацвёртае месца ў папулярнасці ў краіне, саступіўшы ультраправым, лейбарыстам і ліберальным дэмакратам. Цяпер партыя мае самыя нізкія рэйтынгі за прынамсі 24 гады, піша Bloomberg.

Паводле апытання YouGov, толькі 16% брытанцаў прагаласавалі б за кансерватараў на ўсеагульных выбарах. Гэта мінімум з 2001 года, з таго часу, як YouGov пачалі праводзіць апытанні грамадскай думкі.

Ліберальныя дэмакраты маюць 17% падтрымкі. Ультраправыя з Reform UK замацавалі сваё лідарства: за іх прагаласавалі б 29% брытанцаў. Лейбарысцкая партыя дзейнага прэм'ера Кіра Стармера займае другое месца з 22%.

Bloomberg паказвае, што лічбы падкрэсліваюць ціск, які вядзецца на лідара кансерватараў Кемі Бадэнох. Яе заклікаюць сысці ў адстаўку пасля буйной паразы на нядаўніх мясцовых выбарах. Партыя Найджэла Фараджа Reform UK тым часам працягвае набіраць папулярнасць.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com