Санслужба не ўпусціла ў Расею каўбасу і малако з Беларусі

І справа не толькі ў якасці.

Рассельгаснагляд нястомна працуе. Гэтым разам яго спецыялісты развярнулі 2 т мясной і малочнай прадукцыі. І справа не толькі ў якасці, піша «Точка».

Тры мікрааўтобусы, даверху набітыя прадуктамі, накіроўваліся ў Расею, наўмысна аб'язджаючы афіцыйныя пункты ветэрынарнага кантролю. Гэта значыць, яны збіраліся нелегальна завезці ў Бранскую вобласць буйную партыю каўбасы і малака.

Але на шляху парушальнікаў сталі спецыялісты Рассельгаснагляду, якія акурат праводзілі рэйд. Інспектары папрасілі падаць ветэрынарныя суправаджальныя дакументы, якія пацвярджаюць якасць і бяспеку прадукцыі. Але іх у кіроўцаў не было.

І гэта толькі паўбяды. Санслужба канстатавала: па-першае, прадукты перавозіліся ў аўтамабілях, не прызначаных для транспартавання харчовай прадукцыі; па-другое, не быў выкананы тэмпературны рэжым захоўвання.

Увесь груз вярнулі на тэрыторыю Беларусі. Парушальнікі прыцягнуты да адміністрацыйнай адказнасці.

У Рассельгаснаглядзе зрабілі справаздачу: усяго ж з пачатку года ў Беларусь вернута амаль 10 т рознай жывёлагадоўчай прадукцыі. Прычына - яе перавозілі без ветэрынарных суправаджальных дакументаў, у тым ліку абыходзячы афіцыйныя пункты ветэрынарнага кантролю.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com