Foreign Policy: Перамовы Трампа ды Ірана на мяжы зрыву
12- 21.05.2025, 11:24
- 2,634
ЗША і Тэгеран не могуць прыйсці да ўзаемаразумення ў пытанні ўзбагачэння ўрану.
Перамовы паміж ЗША ды Іранам аб ядзернай праграме зайшлі ў нявыкрутку. Абедзве стораны ўперліся ў непрымірымыя "чырвоныя лініі — галоўным каменем спатыкнення стала ўзбагачэнне ўрану, піша выданне Foreign Policy (пераклад - сайт Charter97.org).
Вярхоўны лідар Ірана аятала Алі Хаменеі назваў патрабаванні ЗША спыніць нават нізкаўзроўневае ўзбагачэнне ўрану «недарэчнымі». Тэгеран намагае, што мае на гэта права паводле «дамовы аб нераспаўсюдзе ядзернай зброі» (ДНЯЗ). ЗША патрабуюць поўнай адмовы ад узбагачэння, разглядаючы яе як прамы шлях да стварэння ядзернай зброі.
«Яны хочуць пакінуць узбагачэнне як фактар стрымлівання», - заявіў дзяржсакратар ЗША Марка Рубіё.
Прэзідэнт ЗША Дональд Трамп нядаўна заявіў, што ўгода «блізкая да заканчэння», аднак экспэрты ўважаюць гэта за малаверагоднае. На фоне ціску Кангрэса, дзе больш за 200 кангрэсменаў патрабуюць жорсткай пазіцыі, адміністрацыя не гатовая ісці на саступкі.
Для Ірана сітуацыя ўскладняецца эканамічнымі санкцыямі, паслабленнем пазіцый у рэгіёне. Аднак краіна не хоча адмаўляцца ад сваёй ядзернай праграмы, успрымаючы яе як сімвал суверэнітэту.
Паваротны момант магчымы восенню: у кастрычніку 2025 года Вялікабрытанія, Францыя і Нямеччына страчваюць магчымасць аўтаматычна падоўжыць санкцыі ААН у выпадку няўдалага пагаднення. ЕЗ усё часцей выказвае жорсткую пазіцыю ў дачыненні да Тэгерану, улічваючы яго падтрымку Расеі і атакі на марскія судны.
Экспэрты папярэджваюць: калі Іран выйдзе з ДНЯЗ, міжнародная супольнасць можа сутыкнуцца з новай ядзернай пагрозай на Блізкім Усходзе.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
