Нечаканы госць з'явіўся на матчы футбольнага чэмпіянату Беларусі

Суддзя вымушаны быў спыніць сустрэчу.

У чарговым матчы элітнага беларускага дывізіёна, які быў згуляны 20 траўня, адбыўся кур'ёзны выпадак, піша «Точка».

Суддзя вымушаны быў спыніць сустрэчу паміж мазырскай «Славіяй» і жодзінскім «Тарпеда-БелАЗ» на 71-й хвіліне з-за з'яўлення госця на газоне.

Ім стаў мясцовы сабака, які змог прабегчы на поле міма сцюардаў і бол-баёў.

Чорны сабака больш за хвіліну знаходзіўся на стадыёне, пакуль не быў выведзены да трыбунаў.

Спачатку такую спробу распачаў нападнік гаспадароў Ілля Кухарчык.

Форвард прыцягнуў увагу сабакі, пагладзіў яго і паспрабаваў прайсці з ім за межы газона. Але з першай спробы зрабіць гэта не атрымалася.

Сабака вярнуўся на поле, каб яго пагладзілі яшчэ некалькі гульцоў.

Пасля гэтага ў справу ўключыліся бол-баі, якія ў выніку адвялі пухнатага «заўзятара» на законнае месца.

Нягледзячы на мілату эпізоду, камандзе гаспадароў згодна з рэгламентам пагражае пакаранне аж да грашовага штрафу.

Матч закончыўся мінімальнай перамогай «Славіі». Адзіны гол забіў той самы Кухарчык, які выводзіў сабаку з поля.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com