Латвія пратэстуе марскія дроны ў Балтыйскім моры

Для гэтага ўнеслі змены ў заканадаўства краіны.

Латвійскія войскі разам з хаўруснікамі пачнуць выпрабоўваць сучасныя марскія дроны. Такія выпрабаванні пройдуць на новым палігоне на беразе Балтыйскага мора.

Пра гэта паведамляе прэс-служба Міністэрства абароны Латвіі.

Як адзначыў міністр абароны Латвіі Андрыс Спрудс, ва ўмовах росту пагроз бяспецы важна развіваць марскія беспілотнікі. Пры гэтым для ўмацавання нацыянальнай абароны краіны важным крокам з'яўляецца выпрабаванне такіх дронаў у прыродных умовах.

«Ствараючы пляцоўку для тэставання марскіх дронаў, мы адначасова падтрымліваем развіццё інавацый у сферы абароннай прамысловасці», - дадаў ён.

У заканадаўства краіны ўжо ўнеслі змены, якія дазволяць праводзіць выпрабаванне марскіх дронаў у моры бяспечна і пад кантролем. Першыя выпрабаванні на вайскова-марскім палігоне Шкедзе запланаваныя на другую палову чэрвеня гэтага года. Плануецца, што яны будуць рэгулярныя.

У Мінабароны адзначылі, што такія выпрабаванні садзейнічаюць павышэнню аператыўнай гатоўнасці і паляпшаюць узаемадзеянне з хаўруснікамі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com