Лукашэнка абавязаў наймальнікаў хадзіць па дамах сваіх працаўнікоў

Размова ідзе аб працоўных мігрантах.

Беларускіх працадаўцаў абавязалі хадзіць па хатах некаторых сваіх працаўнікоў - правяраць умовы іх пражывання і не толькі. Адпаведны ўказ 21 траўня падпісаў Аляксандр Лукашэнка. За невыкананне гэтага абавязку і кіраўнікоў, і саміх работнікаў прыстрашылі адміністрацыйнай адказнасцю.

Кантраляваць дыктатар запатрабаваў замежных працаўнікоў. Указам №202 «Аб павышэнні ролі наймальнікаў у галіне замежнай працоўнай міграцыі» дыктатар прапісаў адказнасць наймальнікаў за гэтую катэгорыю работнікаў.

У адміністрацыі ўзурпатара падкрэслілі, што мэтай новага заканадаўчага акта з'яўляецца «ўзмацненне патрабаванняў да прыцягнення замежнай працоўнай сілы». Пры гэтым новы ўказ не закране работнікаў з краін — членаў ЕАЭС.

У ліку дадатковых абавязкаў, якія ўсклалі на працадаўцаў, у адміністрацыі дыктатара згадалі наступныя:

вывучэнне ўмоў пражывання работнікаў,

ужыванне захадаў для ліквідацыі выяўленых парушэнняў,

інфармаванне кампетэнтных дзяржаўных органаў аб выяўленых парушэннях,

арганізацыя абавязковага тэставання мігрантаў на веданне расейскай або беларускай мовы.

Наймальнікі павінны будуць вызначыць адказных асоб, якія будуць займацца арганізацыяй такога кантролю за дзейнасцю і ўмовамі знаходжання працоўных мігрантаў. За невыкананне гэтых абавязкаў, як растлумачылі ў адміністрацыі дыктатара, наймальніку будзе пагражаць адміністрацыйная адказнасць (якая менавіта - не ўдакладнілі), а вось мігрантаў у выпадку парушэння могуць не толькі звольніць да заканчэння тэрміну працоўнай дамовы, але і выправадзіць з краіны.

Акрамя таго, ва ўказе прапісалі, што падпісаць працоўную дамову з мігрантам неабходна будзе максімум цягам 30 дзён з моманту яго ўезду ў Беларусь. Пры гэтым пераводзіць працоўнага мігранта да іншага наймальніка, нават на час, будзе забаронена. «Каб пазбегнуць выкарыстання яго працы без захавання ўстаноўленай працэдуры прыцягнення замежных спецыялістаў», — растлумачылі ў адміністрацыі дыктатара.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com