У Эстоніі стартуе планаванне будаўніцтва першай атамнай электрастанцыі

Пастанову прыняў кабінет міністраў краіны на выязным пасяджэнні ў Нарве.

Урад Эстоніі даў старт падрыхтоўцы дзяржаўнай спецыяльнай планіроўкі і стратэгічнай ацэнкі ўздзеяння на навакольнае асяроддзе для магчымага будаўніцтва атамнай электрастанцыі (АЭС) магутнасцю 600 мегаВат, паведамляе err.ee.

Такую пастанову кабмін прыняў у чацвер, 22 траўня, на сваім выязным пасяджэнні, якое прайшло ў Нарве.

З ініцыятывай выступіла кампанія Fermi Energia, падаўшы адпаведную заяўку 14 студзеня. Мэта праекта - вызначыць найлепшае месца для будаўніцтва і ацаніць магчымы ўплыў на навакольнае асяроддзе, эканоміку і мясцовае насельніцтва.

Запланаваная зона ахоплівае больш за 1200 квадратных кіламетраў - гэта тэрыторыі паветаў Ляэне-Вірумаа і Іда-Вірумаа, а таксама марская акваторыя ад затокі Кунда да Нарўскай затокі. Да працэсу планавання будуць прыцягнутыя мясцовыя жыхары, органы ўлады і розныя зацікаўленыя бакі.

Аднак рэальная пляцоўка для будаўніцтва будзе значна меншай - планіроўка ахоплівае вялікую тэрыторыю для ўсебаковай ацэнкі магчымых варыянтаў.

«Пачатак планіроўкі не азначае неадкладнага будаўніцтва АЭС. Мы спачатку старанна прааналізуем, дзе і на якіх умовах магчымае яе размяшчэнне», - падкрэсліў міністр эканомікі і прамысловасці Эркі Келда (Партыя рэформаў).

Пры станоўчым развіцці падзей першы рэактар станцыі можа быць уведзены ў эксплуатацыю не раней за 2035 год. Прадугледжваецца будаўніцтва двух рэактараў, а таксама спадарожнай інфраструктуры, уключаючы лінію электраперадачы напружаннем 330 кВ.

Паралельна з папярэднім выбарам месца будзе распрацоўвацца прававая база, звязаная з ядзернай бяспекай.

У Эстоніі стартуе планаванне будаўніцтва першай атамнай электрастанцыі

Урад Эстоніі даў старт падрыхтоўцы дзяржаўнай спецыяльнай планіроўкі і стратэгічнай ацэнкі ўздзеяння на навакольнае асяроддзе для магчымага будаўніцтва атамнай электрастанцыі (АЭС).

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com