За карупцыю звольнілі гендырэктара Беларускага бюро транспартнага страхавання

За карупцыю звольнілі гендырэктара Беларускага бюро транспартнага страхавання

Генеральнага дырэктара Беларускага бюро транспартнага страхавання Антона Аўсейку звольнілі з прычын, звязаных з карупцыяй. Як паведамляе

«Еўрарадыё», адпаведная ўрадавая пастанова №278 ад 20 траўня з'явілася на Нацыянальным прававым інтэрнэт-партале. Падпісаў яе прэм'ер-міністр Аляксандр Турчын.

У дакуменце гаворыцца, што Аўсейка зняты з пасады ў сувязі з учыненнем правапарушэння, якое стварае ўмовы для карупцыі, або карупцыйнага правапарушэння (пункт 51 часткі 2 артыкула 47 Працоўнага кодэкса).

На сайце арганізацыі генеральным дырэктарам дагэтуль пазначаны Антон Аўсейка.

Беларускае бюро транспартнага страхавання было створанае ў 1999 годзе, калі ў краіне ўвялі абавязковае страхаванне аўтаграмадзянскай адказнасці. Сёння ў склад бюро ўваходзяць такія кампаніі, як «Белдзяржстрах», «Асоба», «Белнафтастрах», «Белэксімгарант», «Прамтрансінвест» і «ТАСК».

Аўсейка працаваў гендырэктарам бюро з 2009 года.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com