Atlantic Council: ЕЗ можа яшчэ мацней «закруціць гайкі» Крамлю

18-ы пакет санкцый абяцае стаць самым жорсткім.

Нягледзячы на ўжо прыняты 17-ы пакет санкцый, Еўрапейскі Звяз захоўвае значны патэнцыял для ўзмацнення ціску на Расею, піша Atlantic Council (пераклад - сайт Charter97.org).

Наступны, 18-ы пакет санкцый можа стаць самым жорсткім. Абмяркоўваюцца абмежаванні супраць расейскіх банкаў, энэргетычнай галіны, а таксама поўнае спыненне дзейнасці так званага «ценявога флоту» – ключавога інструмента, з дапамогай якога Расея абыходзіць коштавыя столі на нафту і атрымлівае звышпрыбыткі.

Акрамя таго, ЕЗ заклікае ўвесці:

другасныя санкцыі - супраць краін і кампаній, якія дапамагаюць Расеі абыходзіць абмежаванні;

канфіскацыю актываў - замарожаных сродкаў расейцаў на карысць Украіны;

жорсткі кантроль за выкананнем коштавых абмежаванняў на нафту.

Гэтыя крокі могуць сур'ёзна ўдарыць па эканоміцы РФ і пазбавіць Крэмль рэсурсаў для прадаўжэння вайны.

Поспех санкцый залежыць не толькі ад іх колькасці, але і кантролю за выкананнем. У ЕЗ разумеюць: без строгага кантролю за рэалізацыяй санкцый - у тым ліку на ўзроўні трэціх краін - Расея працягне фінансаваць ваенныя дзеянні.

Паводле апошніх ацэнак, больш за 60% расейскай нафты экспартуецца праз «ценявы флот». Новы пакет санкцый павінен зрабіць яго эксплуатацыю немагчымай - за кошт забароны страхавання, тэхнічнай падтрымкі і абмежавання доступу ў еўрапейскія марскія парты.

Як падкрэсліў прэзідэнт Украіны Уладзімір Зяленскі, толькі моцны ціск прымусіць Маскву задумацца аб сапраўдным спыненні агню, а не аб фіктыўных «перамовах».

ЕЗ ужо давёў, што здольны на рашучыя крокі. Але каб сапраўды «закруціць гайкі», трэба ісці далей – да сістэмных, маштабных і глабальна скаардынаваных дзеянняў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com