Мерц даў афіцыйны пачатак дзяжурства нямецкай брыгады ў Літве

Яна дапаможа абараніць усходні фланг NATO.

Канцлер Фрыдрых Мерц даў афіцыйны пачатак працы ў Літве новай нямецкай брыгады, якая мусіць дапамагчы абараніць усходні фланг NATO , як піша «Еўрапейская праўда», паведамляе AP.

Мерц заявіў, што "бяспека нашых балтыйскіх саюзнікаў з'яўляецца таксама нашай бяспекай", а ўзмацненне Берлінам уласных узброеных сіл з'яўляецца сігналам для саюзнікаў інвеставаць у бяспеку.

Размяшчэнне брыгады ў Літве з'яўляецца першым выпадкам, калі нямецкая брыгада надоўга базуецца за межамі Нямеччыны з часоў Другой святовай вайны. “Гэта гістарычны дзень. Гэта дзень даверу, адказнасці і дзеянняў", - заявіў прэзідэнт Літвы Гітанас Наўседа пасля сустрэчы з Мерцам.

Нямеччына мае войскі ў Літве, якая мяжуе з расейскай Калінінградскай вобласцю і Беларуссю, з 2017 года ў рамках намаганняў ў бяспецы ўсходняга фланга NATO, але новая брыгада значна паглыбляе яе ўдзел.

Перадавая група пачала яе ствараць крыху больш за год таму, а восенню мінулага года яна пашырылася да “штаба актывацыі” колькасцю блізу 250 чалавек. Чакаецца, што да канца 2027 года 45-я бранятанкавая брыгада будзе ўкамплектавана да поўнай колькасці амаль 5000 чалавек, а войскі будуць дыслакаваны ў Рукле і Руднінкаі.

Дзясяткі вайсковых верталётаў праляцелі над цэнтральным пляцам у сталіцы Літвы, Вільні, калі ў дажджлівы чацвер пасля па абедзе завяршылася цырымонія пачатку працы брыгады, на якой прысутнічалі сотні вайскоўцаў і гледачоў. Мерц заявіў на мерапрыемстве, што "абарона Вільні - гэта абарона Берліна".

Разгортванне войскаў у Літве адбываецца на фоне агульнага ўзмацнення вайсковай моцы Нямеччыны пасля гадоў запусцення, калі члены NATO, занепакоеныя магчымай агрэсіяй Расеі і ціскам з боку Вашынгтона, спяшаюцца павялічыць выдаткі на абарону.

Мерц у Вільні таксама заявіў, што яго краіна і яе партнёры рашуча настроеныя абараняць усю тэрыторыю NATO.

Таксама ён назваў асноўныя задачы для заходніх саюзнікаў у падтрымцы Украіны, якія, на яго думку, важныя ў дадзены момант.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com