Tesla страціла лідарства на рынку электрамабіляў у Еўропе

Хто выйшаў на першае месца.

Паводле вынікаў красавіка ўпершыню за шмат месяцаў кампанія Tesla страціла лідарства на рынку новых электрамабіляў у Еўропе. Яе апярэдзіў кітайскі аўтавытворца BYD.

Пра гэта паведамляе Financial Times.

За 30 дзён красавіка продажы BYD у краінах ЕЗ склалі 7231 электрамабіль, павялічыўшыся ў 2,7 раза ў гадавым выразе.

«Розніца ў абсалютных лічбах продажаў паміж двума брэндамі можа быць невялікая, але наступствы значныя. Гэта важны паваротны момант для еўрапейскага аўтамабільнага рынку», – адзначаюць аналітыкі.

Нягледзячы на ўвядзенне Еўразвязам загараджальных мытаў на электрамабілі кітайскай вытворчасці, еўрапейскія продажы аўто на электрацязе з Кітая ў красавіку выраслі на 59% у параўнанні з гэтым жа месяцам у 2024 годзе. Для параўнання, сумарныя продажы электрычных машынаў з заводаў Еўропы, Японіі, Паўднёвай Карэі і ЗША за год выраслі толькі на 26%.

«Гэта пераломны момант для еўрапейскага аўтарынку. Tesla шмат гадоў была тут безумоўным лідарам у продажах электрычных машынаў, у той час як BYD прысутнічала да канца 2022 года толькі ў Нарвегіі і Нідэрландах», – адзначыў аналітык JATO Dynamics Феліпе Муньёс.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com