Італія падтрымлівае план ЕЗ у адмове ад расейскага газу

План адмовы ад паліва з РФ хочуць рэалізаваць да канца 2027 года.

Італія поўнасцю падтрымлівае намаганні Еўрапейскага Звязу ў спыненні імпарту расейскага газу. План адмовы ад паліва з РФ хочуць рэалізаваць да канца 2027 года.

Пра гэта заявіў міністр энэргетыкі Італіі Джыльберта Пікета-Фрацін, паведамляе Reuters.

«Італія цалкам падтрымлівае гэтыя намаганні», – сказаў Пікета-Фрацін.

Паводле ягоных словаў, Італія летась імпартавала невялікую колькасць расейскага газу, які ў асноўным экспартаваўся ў Аўстрыю. Цяпер краіна незалежная ад паставак газу з РФ.

Падчас візіту ў Вашынгтон у красавіку прэм'ер-міністарка Італіі Джорджа Мелоні абмеркавала з прэзідэнтам ЗША Дональдам Трампам патэнцыйнае павелічэнне імпарту звадкаванага прыроднага газу ў Італію з ЗША. Міністр энэргетыкі Італіі заявіў, што любы такі набытак павінен грунтавацца на канкурэнтных коштах.

«Тое, што мы павялічылі магутнасці рэгазіфікацыі, азначае, што ёсць магчымасць набываць больш ЗПГ, калі ён будзе канкурэнтаздольным у параўнанні з газам, які паступае па трубаправодзе», – адзначыў Пікета-Фрацін.

У той самы час ён дадаў, што амерыканскі ЗПГ цяпер прапануецца з высокімі коштамі, калі ён трапляе ў Еўропу.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com