Украінскія дроны зноўку атакавалі расейскі завод «Энэргія»

Другі налёт за два дні.

У Ліпецкай вобласці Расеі прагрымелі магутныя выбухі ў ноч на 24 траўня. Мясцовыя жыхары заявілі, што беспілотнікі атакавалі завод «Энэргія» ў Ельцы. Аб гэтым піша шэраг расейскіх СМІ.

Інфармацыю аб «масаваным нападзе» БПЛА пацвердзілі і мясцовыя ўлады. Губернатар рэгіёну Ігар Артамонаў паведаміў, што «падзенне дронаў» зафіксаванае ў прамысловай зоне Ельца, але гараджане ў сацсетках пішуць аб нападзе на завод. На месцы працуюць аператыўныя службы, у небе над горадам мясцовыя жыхары заўважылі верталёты.

Гаворка ідзе аб заводзе «Энэргія», які з'яўляецца буйным вытворцам хімічных крыніц току. Прадпрыемства вырабляе батарэі для модуляў планіроўкі і карэкцыі, якія ўсталёўваюцца на авіяцыйныя бомбы, комплексы «Іскандэр-М», крылатыя ракеты і іншае ўзбраенне.

Атака на завод стала другой за апошнія некалькі дзён. Да гэтага ўкраінскія абаронцы нанеслі ўдары па прадпрыемстве, у выніку чаго там адбыўся маштабны пажар.

Тады ў Генштабе УСУ заявілі, што спыненне гэтай вытворчасці можа сур'ёзна ўскладніць тэхнічную здольнасць войска РФ у планаванні ракетных нападаў і працы высокадакладнай зброі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com