The Telegraph: ЗША нечакана асудзілі вайну Расеі супраць Украіны
6- 24.05.2025, 10:46
- 10,278
У супольным камюніке паводле вынікаў саміту G7.
Міністры фінансаў краін Групы сямі (G7) у супольным камюніке асудзілі «жорсткую вайну» Расеі супраць Украіны і паабяцалі ўзмацніць санкцыі супраць Масквы, калі расейскі дыктатар Уладзімір Пуцін і ў далейшым будзе марудзіць са спыненнем агню.
Як піша The Telegraph, дакумент азнаменаваў «значную змену» ў палітыцы адміністрацыі прэзідэнта ЗША Дональда Трампа, якая раней адмаўлялася ўскладаць на Расею поўную віну за вайну.
«Мы асуджаем жорсткую вайну Расеі супраць Украіны і высока ацэньваем велізарную ўстойлівасць ўкраінскага народа і эканомікі», – заявілі міністры фінансаў G7 пасля трохдзённага саміту ў Банфе, Канада, у якім узяў удзел, дарэчы, міністр фінансаў ЗША Скот Бэсэнт.
У камюніке таксама гаворыцца, што краіны G7 «застаюцца адданымі непахіснай падтрымцы Украіны ў абароне сваёй тэрытарыяльнай цэласнасці і права на існаванне, а таксама свабоды, суверэнітэту і незалежнасці на шляху да справядлівага і трывалага міру».
Як адзначае выданне, гэтая заява супярэчыць папярэднім пазіцыям, якія Белы дом займаў з пачатку сваіх «мірных намаганняў».
У дакуменце краіны таксама пацвярджаюць «рашучасць забяспечыць, каб Расея заплаціла за шкоду, якую яна прычыніла Украіне».
У дакуменце сябры G7 таксама паабяцалі захаваць замарожаныя расейскія актывы і вывучыць новыя «карныя захады».
«Калі такое спыненне агню не будзе ўзгодненае, мы працягнем вывучаць усе магчымыя варыянты, у тым ліку варыянты максімальнага ціску, такія як далейшае ўзмацненне санкцый», — гаворыцца ў заяве.
Адзначаецца, што ў Брусэлі камюніке сустрэлі з палягчэннем.
«Дзякуй Богу», - сказаў адзін заходні чыноўнік, які працуе над палітыкай групы што да Украіны.
Саміт міністраў фінансаў і кіраўнікоў цэнтральных банкаў краін G7 адбыўся ў Банфе, Альберта, Канада, з 20 да 22 траўня.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
