Папулярны беларускі банк параіў запасціся гатоўкай
- 24.05.2025, 18:11
- 3,494
Магчымы праблемы з аплатай карткамі, а таксама праз мабільны і інтэрнэт-банкінг.
"Белінвестбанк" папярэдзіў кліентаў, што на 26 траўня запланаваў тэхналагічныя працы, праз што магчымыя праблемы з аплатай карткамі ў крамах і не толькі, а таксама праз мабільны і інтэрнэт-банкінг.
Гэтыя працы наважылі праводзіць з 08:00 да 23:59 26 траўня. У гэты час, паводле інфармацыі "Белінвестбанка", магчымыя "кароткатэрміновыя перапынкі" ў рабоце мабільнага і інтэрнэт-банкінгу для фіз- і юрыдычных асоб, а таксама ў абслугоўванні карыстальнікаў пластыка ў крамах, сэрвісных цэнтрах, пунктах выдачы гатоўкі, апаратах самаабслугоўвання, банкаматах.
«Дзякуем за разуменне і прыносім прабачэнні за часовыя нязручнасці», - дадалі ў банку.
Дарэчы, тэхработы на 26 траўня запланаваў і Белаграпрамбанк, праўда, на іншы час - з 00:00 да 07:00. Вось што можа быць недаступна ў гэты час для кліентаў-фізічных асоб:
• атрыманне выпіскі з рахункаў па ўліку крэдытнай запазычанасці
• пагашэнне крэдытнай запазычанасці (у тым ліку праз сістэму АРІП)
• адлюстраванне рэшткаў, атрыманне выпіскі па ўкладных (дэпазітных), бягучых рахунках
• папаўненне ўкладных (дэпазітных), бягучых рахункаў (у тым ліку праз сістэму АРІП)
• адкрыццё ўкладных (дэпазітных), бягучых рахункаў
• афармленне заявак на выпуск банкаўскай плацежнай карткі
• афармленне заявак на крэдыт
• уваход у праграмны комплекс «Электронная гандлёвая пляцоўка банкаў»
• пераводы па сістэме імгненных плацяжоў.
Пры датэрміновым завяршэнні работ паабяцалі аднавіць паслугі для кліентаў раней за вызначаны тэрмін. «Прыносім прабачэнні за звязаныя з гэтым нязручнасці і прапануем здзейсніць усе важныя аперацыі загадзя!» - дадалі ў Белаграпрамбанку.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
