Форбс распавёў, як «зрабіць Украіну вялікай зноў»

Вынікі заканчэння вайны будуць адыгрываць ключавую ролю, але не асноўную.

Украіна можа стаць па-сапраўднаму магутнай дзяржавай на міжнародным рынку нават без уступлення ў ЕЗ. Але для гэтага Кіеву варта арыентавацца на прыклады Швайцарыі і Сінгапура.

Пра гэта расказаў Стыў Форбс галоўны рэдактар Forbes. Паводле ягоных слоў, цяпер ЗША вядуць даволі жорсткую гандлёвую вайну з Кітаем, што Украіна павінна выкарыстоўваць і для сябе.

На думку Форбса, прэзідэнт ЗША Дональд Трамп павінен засяродзіцца на тым, каб не дазволіць Ірану стаць ядзернай дзяржавай і змякчыць сваю тарыфную палітыку. Аднак стасункі ЗША і Кітая абумоўлены не толькі гандлем, але і хакерскімі нападамі на Вашынгтон, якія пастаянна фіксуець Пентагон. Таму Трамп паказвае Пекіну, што за ўсё трэба плаціць.

"Украіна ж павінна зніжаць гандлёвыя бар'еры. Як паказвае прыклад Швайцарыі, для росквіту не абавязкова быць чальцом блокаў, такіх як ЕЗ. Пасля заканчэння вайны Украіна можа стаць варотамі для кампаній, узяўшы ў прыклад Швайцарыю або Сінгапур. Паглядзіце на Славакію, якая стала магутным вытворцам аўтамабіляў у Еўропе", - кажа галоўны рэдактар.

Ён адзначае, што будучыня Украіны залежыць ад развязання вайны, але пасля гэтага ў яе ёсць вялікія шанцы стаць перадавой дзяржавай, як Ганконг, Сінгапур і Швайцарыя. Для гэтага дастаткова стварыць адкрытую эканоміку, палегчыць адкрыццё бізнэсу, знізіць для яго падаткі і сацыяльныя ўнёскі.

"Украіна павінна прывязаць валюту да стабільнай валюты - еўра або даляра, як гэта зрабілі краіны Балтыі. Важна мець нізкія падаткі, стабільную валюту і ўрад, які не марнуе занадта шмат. Урокі Польшчы, Сінгапура паказваюць, што Украіна можа стаць высокатэхналагічным і фінансавым цэнтрам», — кажа Форбс.

Ён дагэтуль перакананы, што страта Украіны будзе мець вельмі негатыўныя наступствы для свету, якія могуць прывесці да глабальнай катастрофы. Гэта яскрава дэманструе тое, наколькі крытычнае значэнне мела існаванне Чэхаславакіі, пасля падзелу якой успыхнула Другая Сусветная.

«Мы павінны рабіць значна больш для падтрымкі Украіны ў барацьбе з захопнікамі. Прапаную новы лозунг: зробім Украіну вялікай зноў», - дадае галоўны рэдактар Forbes.

Паводле ягоных слоў, Украіна павінна правільна сфармуляваць сістэму заахвочвання вяртання і сваіх грамадзян, і замежнікаў, ствараючы розныя сістэмы. Аднак варта пазбягаць памылак Еўропы, як у 2015-м, калі восьмая федэральная канцлерка Нямеччыны Ангела Мэркель дазволіла адкрытую міграцыю без кантролю, і гэта мела свае негатыўныя наступствы.

"Патрэбныя разумныя палітыкі для залучэння кваліфікаваных кадраў. Таксама варта звярнуць увагу на ўкраінцаў за мяжой - яны могуць стаць важным рэсурсам, калі ўбачаць, што краіна развіваецца і захочуць вярнуцца. Гэта можа стымуляваць ўнутраную міграцыю і інвестыцыі ва Украіну”, — рэзюмуе Форбс.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com