Трамп: Расейцы скралі ў нас гіпергукавую ракету

Прэзідэнт ЗША мяркуе, што ў крадзяжы вінаватая адміністрацыя Абамы.

Прэзідэнт ЗША Дональд Трамп паскардзіўся, што РФ выкрала ў амерыканскіх распрацоўнікаў інфармацыю аб найноўшай гіпергукавой ракеце. Гэта нібыта адбылося ў часы 44-га прэзідэнта ЗША Барака Абамы, паведамляе Newsweek.

Аб расейскім тэхналагічным шпіянажы Трамп расказаў на цырымоніі ўручэння дыпломаў выпускнікам вайсковай акадэміі ЗША ў Вест-Пойнце.

«Восем курсантаў сёння ўзяліся за распрацоўку ўласнай гіпергукавой ракеты. Ведаеце, у нас нашу скралі. Ведаеце, хто яе ўкраў? Расейцы яе скралі. Нешта дрэннае адбылося», - сказаў прэзідэнт ЗША.

Ён паведаміў, што крадзеж адбыўся «ў часы адміністрацыі Абамы».

Трамп не ўпершыню згадвае аб крадзяжы распрацовак амерыканскай гіпергукавой ракеты расейцамі.

У студзені пасля ўступлення на пасаду на другі тэрмін прэзідэнт ЗША расказаў пра гэта ў эфіры канала Fox News.

«Расея скрала канструкцыю, яны атрымалі яе ад нас. Нейкі дрэнны чалавек даў ім гэтыя чарцяжы», - сказаў тады Трамп.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com