Пуцін здзівіўся, што ў Беларусі скончылася бульба

Дыктатар РФ хацеў купляць бульбу ў нашай краіне.

Дыктатар РФ Уладзімір Пуцін падчас сустрэчы з прадстаўнікамі бізнэс-супольнасці прапанаваў закупляць бульбу ў Беларусі і вельмі здзівіўся, калі яму адзін са службоўцаў падказаў, што яна ў суседзяў скончылася. Відэа з дыялогам размясціў Тэлеграм-канал RIA_Kremlinpool.

Разважаючы пра тое, што лепш закупляць сваю прадукцыю, нават калі яна крыху даражэйшая, Пуцін узняў і пытанне бульбы.

- Вядома, можна і ў Беларусі бульбу закупляць. Яны там вялікія спецыялісты па бульбе, але сваю таксама нядрэнна мець, - сказаў Пуцін.

- Яна там скончылася, - адазваўся намеснік кіраўніка адміністрацыі кіраўніка РФ Максім Арэшкін.

- Як скончылася? - здзівіўся Пуцін.

- Аляксандр Рыгоравіч нарады праводзіць.

- Максім кажа, бульба ў Беларусі скончылася. Нешта такое… – сказаў Пуцін і засмяяўся.

Нагадаем, апошнія месяцы беларусы з розных рэгіёнаў шматкроць скардзіліся на дэфіцыт і якасць бульбы. Вытворцы тлумачаць: адгружаць гародніну і садавіну ў фонды па кошце, які прапануе дзяржава, ім проста нявыгадна. Таму яны ці прадаюць тавар даражэй на рынках, ці адпраўляюць на экспарт.

8 траўня Аляксандр Лукашэнка прызнаў, што ў краіне існуе дэфіцыт бульбы. Яго ён растлумачыў жаданнем фермераў падзарабіць.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com