Стала вядома, у якіх гарадах можа адбыцца «Еўравізія-2026»

Заяўкі на права праводзіць конкурс падалі адразу 7 гарадоў.

Міжнародны песенны конкурс «Еўравізія-2025» у Базэлі ўжо закончыўся. З 17 на 18 траўня адбыўся грандыёзны фінал, у якім удзельнічалі прадстаўнікі 26 краін, аднак толькі адзін спявак атрымаў перамогу. Ім стаў аўстрыец JJ з песняй «Wasted Love» і ў наступным годзе права на правядзенне шоў атрымала Аўстрыя, якая ўжо пачынае падрыхтоўку да маштабнага мерапрыемства.

Вядома, што праз некалькі месяцаў, а менавіта ў ліпені, Еўрапейская Вяшчальная Унія (EBU) і аўстрыйскі вяшчальнік ORF афіцыйна абвесцяць горад, які будзе прымаць 70-ы конкурс «Еўравізія-2026». Як піша выданне The Guardian, ужо вядома пра спіс гарадоў-прэтэндэнтаў - гэта Вена, Грац , Інсбрук, Лінц, Вельс, Обэрварт і Санкт-Пельтэн.

Менавіта гэтыя гарады праявілі цікавасць да правядзення шоў, аднак кожны з іх будуць ацэньваць паводле пэўных крытэраў: транспартная даступнасць (наяўнасць аэрапорта і развітага грамадскага транспарту), гатэльная інфраструктура, ўмяшчальнасць арэны (на пляцоўцы павінна змясціцца не менш за 10 000 гледачоў) і фінансавая заможнасць.

Дарэчы, чаканы кошт правядзення «Еўравізіі-2026» для аўстрыйскага вяшчальніка ORF можа перавысіць 30 млн еўраў.

Дарэчы, сталіца Аўстрыі ўжо двойчы прымала «Еўравізію» ў 1967 і 2015 гадах. Аднак цяпер яна мае дастаткова моцных канкурэнтаў у барацьбе за права зноў сустракаць еўрафанаў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com