У Кадырава зламаўся голас
- 27.05.2025, 15:27
- 8,410
Яго выступ ва ўласным блогу агучыў дыктар.
Кіраўнік Чачэніі Рамзан Кадыраў у афіцыйным акаўнце ў тэлеграме апублікаваў ролік са сваім удзелам. Аднак замест яго ўласнага голасу відэа агучанае дыктарам. Гэта зробленае ўпершыню - адзначаюць журналісты, якія сочаць за кіраўніком Чачэніі, піша «Можем объяснить».
Сімвалічна, што на кадрах Кадыраў чужым голасам каментуе чуткі аб сваёй хваробе. Прычым не адпрэчвае іх, а толькі разважае аб тым, што жыццё чалавека не ў яго ўладзе: «Хвароба і смерць - гэта шлях кожнага чалавека. Калі мне наканавана пражыць 50, 60 ці 70 гадоў, я іх пражыву, як загадана, і ніхто не адбярэ ні дня».
На папярэднім відэа, апублікаваным у афіцыйных каналах Кадырава 22 траўня, ён здзяйсняе інспекцыю грозненскіх будоўляў. Гаворыць мала і вельмі ціха. Выглядае стомленым і хваравітым.
Паводле інфармацыі «Новой газеты Европа», Рамзан Кадыраў ужо некалькі гадоў змагаецца з сур'ёзнымі захворваннем. Яшчэ ў 2019 годзе яму паставілі дыягназ некроз падстраўнікавай залозы. Увесну 2022-га ўзніклі прыкметы нырачнай недастатковасці, дыхавіца і застой вадкасці ў лёгкіх.
У верасні 2023 года Кадырава экстранна шпіталізавалі з вострай дыхальнай недастатковасцю. Паводле інфармацыі выдання, прычынай магла стаць перадазіроўка транквілізатара. А ўжо ў 2025-м ён упершыню не паехаў на планавы агляд у Маскву, а лёг у прыватную клініку «Аймед» у Грозным - установа належыць яго жонцы Медні Кадыравай.
Рамзан Кадыраў не здольны нават у думках выдзеліць нешта блізкае да гэтага тэксту, мяркуе чачэнскі актывіст праваабаронца Муса Ламаеў. «Пасыл гэтага тэксту мне асабіста кажа аб тым, што Рамзан Кадыраў канчаткова прыняў рэальнасць: яго эпоха скончаная, і ён чакае літасці з боку федэральнага цэнтра».
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
