Што зменіцца з новым указам аб паркоўках

Новаўвядзенне закране тарыфы і не толькі.

Аляксандр Лукашэнка 27 траўня падпісаў указ аб упарадкаванні работы аўтамабільных стаянак і аўтамабільных парковак. У чым сутнасць навацыі, агенцтву "Минск-Новости” расказаў генеральны дырэктар ГА “Гаражы, аўтастаянкі і паркоўкі" Андрэй Зыранаў.

- Папярэдні ўказ № 589 “Аб упарадкаванні працы аўтамабільных стаянак і аўтамабільных парковак" быў прыняты ў 2006 годзе. Аднак час ідзе. Зыходзячы з новых рэалій жыцця, спатрэбілася карэкціроўка дакумента, - распавёў Зыранаў.

Згодна з новым указам, выключаецца абавязковая ўмова аб абсталяванні платных парковак прыладамі ўліку часу і разліку платы, а таксама тэхнічнымі сродкамі, якія перашкаджаюць выезду транспартнага сродку з паркоўкі ў выпадку неўнясення платы. Іншымі словамі, больш не абавязкова ставіць на платных стаянках паркаматы, шлагбаўмы або іншыя прылады, якія не выпускаюць аўто без аплаты.

На адкрытых паркоўках кантроль за аплатай будзе весціся з дапамогай спецыяльных тэхнічных сродкаў.

Дакументам таксама ўдакладняюцца ўмовы арганізацыі і ўтрымання аўтамабільных парковак, за карыстанне якімі будзе спаганяцца плата. На сёння, паводле статыстыкі, спраўна аплачваюць паркоўку блізу 40-50% аўтаўладальнікаў. У будучыні, калі сістэма кантролю запрацуе, гэта колькасць павінна павялічыцца.

- Парадак працы аўтамабільных парковак і стаянак, а таксама збірання платы за іх будзе вызначаны Саветам Міністраў. Гэта значыць ён упаўнаважаны падрыхтаваць пастанову, згодна з якой будуць вызначаны паўнамоцтвы, уведзены парадак і адказнасць за нявыплату паркоўкі. Прапановы распрацаваныя і перададзеныя ў Міністэрства жыллёва-камунальнай гаспадаркі, — растлумачыў Зыранаў.

Са слоў Зыранава, паўнамоцтвы на вызначэнне месцаў і размяшчэнне платных аўтамабільных парковак будуць перададзеныя мясцовым органам улады. Запланавана ўвядзенне дыферэнцыраваных тарыфаў у залежнасці ад попыту на паркоўку. Магчыма, будуць уведзеныя тарыфы ў залежнасці ад часу дня.

- Будзе ўводзіцца альбо адказнасць, альбо падвышаная плата за несвоечасова аплачаную паркоўку. Прычым спагнанне сродкаў плануецца ажыццяўляць у судовым парадку, - удакладніў гендырэктар арганізацыі.

Сёння ў падпарадкаванні ГА “Гаражы, аўтастаянкі і паркоўкі" знаходзяцца 76 платных аўтамабільных парковак, разлічаных на 5 784 машына-месцы. З агульнай колькасці восем парковак, разлічаных на 667 машына-месцаў, - закрытага тыпу.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com