«Сітуацыя зменіцца»

Сіноптыкі расказалі, калі чакаць +24°C.

Вясна амаль скончылася, аднак, майскае сонца не парадавала беларусаў сваёй цеплынёй. Заключны тыдзень апошняга вясновага месяца дажджлівы, зрэшты, ёсць месцы, дзе беларусы «адпачнуць» ад ліўняў, піша «Телеграф».

У Telegram-канале пра надвор'е «Метеавайбе» напісалі, што «цяпер цёплы фронт зрушыўся крыху на захад ад сталіцы, да гэтага ён доўгі час быў на ўсход ад Менска, забяспечваючы нас дажджамі і скандынаўскай прахалодай». І таму ў сераду, 28 траўня, тэмпература вышэйшая і, паводле інфармацыі крыніцы, «працягвае расці».

Зрэшты, таксама 28 траўня да Менска падыдзе «чарговая паласа ападкаў». «Але, мяркуючы па Менскаму радару, яны будуць непрацяглымі, а ўслед за імі мы можам адпачыць ад дажджу, тэмпература працягне расці і да канца дня нават магчымыя прасвятленні», - распавялі спецыялісты.

«Новыя пастаўкі вільготнага паветра»

Яны дадалі, што ў чацвер, 29 траўня, «сітуацыя зменіцца». «Цыклон, які доўга кружляў над Малдовай і паўднёвым захадам Украіны, пачне перамяшчацца на поўдзень нашай рэспублікі. Дапаможа яму ў гэтым струменевая плынь, якая добра прасочваецца на вышыні 400 гПа (7 км). Дзякуючы ёй чакаем новых паставак вільготнага паветра з поўдня», - распавялі ў Telegram-канале «Метеовайб».

Паводле яго інфармацыі, у чацвер пад уплывам франтальных раздзелаў цыклону надвор'е стане «больш няўстойлівым і цёплым». На большай частцы Беларусі пройдуць кароткія навальнічныя дажджы, месцамі - моцныя ліўні, магчымы град і шквалістае ўзмацненне ветру да 15 м/с. Аб тэмпературы «Метеавайб» агучыў такія звесткі: уначы - +11..+16°С, удзень - +16..+23°С.

У Менску ж будзе крыху халадней: уначы — +12..+14°С, удзень — +19..+21°С. У сталіцы таксама не абыдзецца без дажджоў, а месцамі па горадзе магчымыя нават моцныя залевы.

Надвор'е ад Белгідрамета на 29-31 траўня

Паводле інфармацыі Белгідрамета, на большай частцы Беларусі 29 траўня пройдуць дажджы, у асобных раёнах - моцныя дажджы і навальніцы. Уначы паветра прагрэецца да +11..+16°С, удзень - да +17..+23°С.

Мяркуючы са звестак мапы сістэмы «Метэапапярэджання», навальніцы ў чацвер будуць ва ўсіх абласцях краіны.

І ў пятніцу, 30 траўня, як расказалі ў Белгідрамеце, на большай частцы тэрыторыі Рэспублікі пройдуць дажджы, у асобных раёнах прагрымяць навальніцы. Па тэмпературы ў сіноптыкаў на гэтыя дні такі япрагнозы: максімальная ўначы - +7..+14°С, максімальная ўдзень - +15..+22°С.

У апошнюю суботу траўня, 31-га, таксама не абыдзецца без дажджоў, але кароткачасовых: уначы яны пройдуць месцамі, раніцай і ўдзень - на большай частцы Беларусі. Белгідрамет папярэдзіў, што ўдзень у асобных раёнах магчымыя навальніцы. Уначы суботы слупок тэрмометра пакажа +7..+13°С, удзень - ад +16°С на поўначы да +24°С на паўднёвым захадзе Беларусі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com