Стала вядома, колькі гамельчукоў запісалі ў «дармаеды»

Лічбы ўражваюць.

Жыхароў Беларусі, «не занятых у эканоміцы», масава выклікаюць у міліцыю на прафілактычныя гутаркі. У Гомелі афіцыйныя рэсурсы са спасылкай на міліцыю назвалі колькасць гараджан з двух раёнаў абласнога цэнтра, якіх улады залічылі ў «дармаеды», заўважыў «Флагшток».

У Савецкім раёне Гомеля, самым шматлікім, на 1 траўня 2025 года налічылі блізу 10 тысяч «дармаедаў». Паводле апошніх апублікаваных звестак, у гэтым раёне пражываюць 156,7 тысячы чалавек. Агулам доля працаздольнага насельніцтва ў працаздольным узросце (у тым ліку жанчыны ў дэкрэтным адпачынку і людзі з інваліднасцю) складае 61,6% усяго насельніцтва. З гэтага вынікае, што працаздольнае насельніцтва раёна складае 96,5 тысячы чалавек.

10 тысяч - гэта 10,3% ад агульнай колькасці працаздольнага насельніцтва раёна.

Раней таксама называлася афіцыйная колькасць «дармаедаў» у Цэнтральным раёне Гомеля - больш за 6 тысяч чалавек. На падлікі «Флагштока», сярод працаздольнага насельніцтва Цэнтральнага раёна «дармаеды» складаюць блізу 8,6% (насельніцтва раёна - 113,6 тысячы чалавек, з іх прыкладна 70 тысяч - працаздольнага).

Звестак пра колькасць «дармаедаў» у Чыгуначным і Навабеліцкім раёне няма. Але калі ўзяць сярэднюю долю «не занятых у эканоміцы» ў Гомелі за 9%, атрымаецца, што «дармаедамі» ўлады ўважаюць прыкладна 27,8 тысячы гамельчукоў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com