Мэрц: Нашы міністры абароны сёння падпішуць мемарандум аб узаемаразуменні

Нямеччына і Украіна пачнуць супольную вытворчасць зброі далёкага дзеяння.

Канцлер Нямеччыны Фрыдрых Мэрц у сераду, 28 траўня 2025 года, падчас візіту прэзідэнта Украіны Уладзіміра Зяленскага ў Берлін абвясціў аб пачатку супрацоўніцтва паміж дзвюма краінамі ў распрацоўцы і вытворчасці новых узбраенняў далёкага дзеяння, здольных знішчаць цэлі на тэрыторыі Расеі, піша The Guardian (пераклад — сайт Charter97.org).

«Нашы міністры абароны сёння падпішуць мемарандум аб узаемаразуменні, які тычыцца закупаў сістэм зброі далёкага дзеяння, вырабленых ва Украіне», – заявіў Мэрц на супольнай прэс-канферэнцыі з Зяленскім. Канцлер не ўдакладніў, якія менавіта вытворцы будуць задзейнічаныя ў праекце.

Мэрц падкрэсліў, што новыя ўзбраенні не будуць мець абмежаванняў па далёкасці дзеяння, што дазволіць Украіне «цалкам абараняць сябе, у тым ліку наносячы ўдары па вайсковых аб'ектах за межамі сваёй тэрыторыі».

Вытворчасць зброі, са слоў канцлера, можа ажыццяўляцца як на тэрыторыі Украіны, так і Нямеччыны. «Мы не будзем раскрываць дадатковыя дэталі загадзя», - дадаў ён.

Мэрц назваў гэты праект «пачаткам новай формы вайскова-прамысловага супрацоўніцтва паміж нашымі краінамі, якое мае вялікі патэнцыял».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com