Нямеччына выдасць Украіне амаль €5 млрд на вайсковую падтрымку
11- 28.05.2025, 18:59
- 4,500
Сродкі будуць накіраваныя на дальнабойную зброю, сістэмы СПА і боепрыпасы.
Нямецкія ўлады маюць намер выдаць амаль €5 млрд на вайсковую падтрымку Украіне, заявілі ў Мінабароны ФРГ. Сродкі будуць накіраваныя на стварэнне магутнасцяў для вытворчасці дальнабойных узбраенняў, а таксама пастаўкі сістэм СПА і боепрыпасаў.
"Агульны аб'ём вышэйзгаданых паслуг падтрымкі ўкраінскіх узброеных сіл складае амаль пяць мільярдаў еўраў", - гаворыцца ў заяве, апублікаванай на афіцыйным сайце вайсковага ведамства ФРГ. Фінансавацца гэта будзе з фондаў, ужо адобраных Бундэстагам.
Дамоўленасці замацаваныя ў мемарандуме, падпісаным раней сёння кіраўнікамі абаронных ведамстваў Нямеччыны і Украіны Барысам Пісторыюсам і Рустэмам Умеравым. Як паведамілі ў нямецкім Мінабароны, дакумент прадугледжвае:
фінансаванне Бэрлінам вытворчасці сістэм узбраення вялікай далёкасці ва Украіне;
прамыя інвестыцыі Бэрліна ў вытворчасць узбраенняў;
выкананне абавязанняў Нямеччыны паставіць Украіне абяцаныя раней боепрыпасы;
дамоўленасць аб пастаўках дадатковых камплектаў боепрыпасаў для розных сістэм узбраення, у тым ліку для сістэм СПА;
фінансаванне Нямеччынай закупак медыцынскага абсталявання.
У Мінабароны ФРГ таксама паведамілі, што міністр абароны Украіны і нямецкая абаронная кампанія Diehl у прысутнасці міністра абароны Нямеччыны падпісалі кантракт на пастаўку ва Украіну сістэм СПА і адпаведных боепрыпасаў.
28 траўня ў Бэрліне прайшлі перамовы канцлера ФРГ Фрыдрыха Мэрца і прэзідэнта Украіны Уладзіміра Зяленскага. Па выніках гутаркі Мэрц пацвердзіў, што Бэрлін працягне падтрымліваць Кіеў, у тым ліку ў распрацоўцы новай зброі вялікай далёкасці.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
