У Белым доме адрэагавалі на пастанову суда па блакаванні імпартных тарыфаў Трампа

Прэзідэнт ЗША не адмовіцца ад палітыкі тарыфаў.

У Белым доме пракаментавалі пастанову Федэральнага суда ў міжнародным гандлі ЗША па блакаванні тарыфаў на імпарт. Пра гэта паведамляе CNN.

Прадстаўнік Белага дома Куш Дэсаі заявіў, што неўзаемнае стаўленне іншых краін да ЗША «падсілкоўвала гістарычны і сталы гандлёвы дэфіцыт Амерыкі».

Ён сцвярджае, што гэты дэфіцыт стварыў «надзвычайную сітуацыю, якая разбурыла амерыканскія грамады, пакінула нашых працоўных без працы і аслабіла нашу абаронную прамысловую базу».

З ягоных слоў, суд не адмаўляў пералічаныя факты.

Дэсаі сказаў, што «нявыбраныя суддзі» не павінны вызначаць, як належным чынам рэагаваць на «надзвычайную сітуацыю ў краіне».

«Прэзідэнт (ЗША Дональд – рэд.) Трамп паабяцаў паставіць Амерыку на першае месца, і адміністрацыя абавязаная выкарыстоўваць усе рычагі выканаўчай улады для пераадолення гэтага крызісу і аднаўлення амерыканскай велічы», – дадаў прадстаўнік Белага дома.

Раней Федэральны суд у міжнародным гандлі ЗША аднагалосна прызнаў незаконнымі маштабныя тарыфы на імпарт, уведзеныя прэзідэнтам Дональдам Трампам.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com