Лекар раскрыў дыягназ Вучыча

Прэзідэнт Сербіі не зможа працаваць некалькі дзён.

Прэзідэнт Сербіі Аляксандр Вучыч, якога шпіталізавалі пасля раптоўнага вяртання з ЗША, у стабільным і здавальняльным стане. Аднак некалькі дзён не зможа працаваць у звыклым графіку.

Пра гэта заявіў лекар і кіраўнік Управы ваеннай медыцыны Драган Дзінчыч, паведамляе РБК-Украіна са спасылкай на сербскае медыя РТС.

Паводле словаў лекара, Вучыч тэрмінова вярнуўся з ЗША і лёг у Вайскова-медыцынскую акадэмію ў Бялградзе праз сімптомы, падобныя на рэзкае павышэнне артэрыяльнага ціску. Такое ў Вучыча ўжо адбывалася тройчы за апошнія 10 гадоў.

– Чакаецца, што прэзідэнт пакіне Вайскова-медыцынскую акадэмію цягам гадзіны, аднак цягам некалькіх наступных дзён поўнае вяртанне да звыклага рытму працы малаверагоднае, – сказаў ён.

Лекар расказаў, што падчас знаходжання ў ЗША Вучыч адчуў кароткачасовы моцны боль у грудзях. Пасля прыёму інтэнсіўнай тэрапіі ціск знізіўся, але нягледзячы на рэкамендацыі амерыканскіх лекараў застацца, Вучыч пастанавіў вярнуцца ў Сербію.

Нагадаем, раніцай 3 траўня стала вядома, што Вучыч раптоўна скасаваў візіт у ЗША і вяртаецца ў Сербію. Была інфармацыя, што прычынай такога кроку сталася раптоўнае пагаршэнне здароўя сербскага прэзідэнта.

Ужо днём сербскія медыі паведамілі, што Вучыча шпіталізавалі ў Вайскова-медыцынскую акадэмію ў Бялградзе. Гэта адбылося на фоне планаў сербскага прэзідэнта паехаць у Маскву на парад 9 траўня.

Еўрапейскія чыноўнікі пагражалі, што гэты візіт можа нашкодзіць імкненню Сербіі ўступіць у Еўразвяз. Аднак Вучыч падкрэсліваў, што ўсё роўна паедзе да Пуціна.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com