Супрацоўнік Пентагона спрабаваў перадаць сакрэтныя дакументы замежнай дзяржаве

Сярод іх былі файлы пад грыфам «Цалкам сакрэтна».

28-гадовага ІТ-спецыяліста Выведвальнай управы Міністэрства абароны ЗША Натана Лаатша арыштавалі паводле падазрэння ў спробе перадаць сакрэтную інфармацыю замежнаму ўраду. Як паведаміла Міністэрства юстыцыі ЗША, Лаатш спрабаваў падзяліцца выведзвесткамі з агентам ФБР пад прыкрыццём, якога ўважаў за пасярэдніка замежнай дзяржавы, паведамляе ABC News.

Расследаванне пачалося ў сакавіку пасля наводкі аб тым, што Лаатш не падтрымлівае палітыку дзейнай адміністрацыі і гатовы дзяліцца сакрэтнымі выведзвесткамі. Паводле інфармацыі следства, цягам трох дзён ён перапісваў канфідэнцыйныя звесткі ў нататнік проста на сваім працоўным стале ў DIA, складваў лісты ў квадраты, хаваў у шкарпэткі і ланч-бокс.

1 траўня ФБР правяло кантраляваную аперацыю: Лаатш пагадзіўся перадаць звесткі на флэшцы ў парку на поўначы Вірджыніі. На прыладзе, як сцвярджаецца, змяшчалася інфармацыя ўзроўню «Сакрэтна» і «Цалкам сакрэтна». Пасля ён выказаў жаданне атрымаць грамадзянства неназванай дзяржавы, бо «не верыць у паляпшэнне сітуацыі ў ЗША».

Падчас паўторнай спробы перадачы звестак у тым жа раёне Лаатша затрымалі. Ён працаваў у Выведвальнай управе з 2019 года, адказваў за інфармацыйную бяспеку ў Аддзеле ўнутраных пагроз. Справу разглядае акруговы суд ЗША Усходняй акругі Вірджыніі. Імя краіны, якой ён спрабаваў перадаць інфармацыю, у судовых дакументах не раскрываецца.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com