Крымінальную справу супраць Ніны Багінскай закрылі

Яе адпусцілі з залы суда.

30 траўня ў судзе Першамайскага раёна Менска адбыўся закрыты судовы працэс паводле справы 78-гадовай актывісткі Ніны Багінскай. Пасля пасяджэння яе адпусцілі, не прызначыўшы пакарання, а крымінальную справу спынілі, паведамляе «Белсат» са спасылкай на крыніцы.

Нагадаем, жанчыне ставіўся ў віну артыкул 342-2 Крымінальнага кодэкса (Неаднаразовае парушэнне парадку арганізацыі або правядзення масавых мерапрыемстваў). Нагодай для крымінальнага пераследу сталі шпацыры са значкамі бел-чырвона-белага колеру на вопратцы і дэманстрацыя нацыянальнай сімволікі на вуліцах Менска ў 2024 годзе, паведамляюць праваабаронцы.

Паводле «Вясны», у 2024 годзе Ніну Багінскую тры разы прыцягвалі да адміністрацыйнай адказнасці па артыкуле 24.23 КоАП (Несанкцыянаванае пікетаванне). Агульная сума штрафаў склала 7200 рублёў. Акрамя таго, на яе склалі яшчэ пяць пратаколаў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com