Макрон заклікаў стварыць кааліцыю Еўропы і краінаў Ціхаакіянскага рэгіёну

Прэзідэнт Францыі зрабіў заяву ў Сінгапуры.

Прэзідэнт Францыі Эмануэль Макрон заклікаў Еўропу і Азію стварыць новы альянс для супрацьдзеяння буйным дзяржавам, якія імкнуцца стварыць «сферы прымусу» ў рэгіёне, паведамляе France 24. Ягоная заява прагучала на канферэнцыі ў пытаннях абароны і бяспекі «Дыялог Шангры-Ла», якая праходзіць у Сінгапуры.

«Перад намі стаіць выклік рэвізіянісцкіх краінаў, якія хочуць навязаць – пад назвай сфераў уплыву – сферы прымусу. Краіны, якія хочуць прысвоіць рэсурсы, няхай гэта будзе рыбалоўства ці мінералы, і выцесніць іншых дзеля сваёй выгады», – сказаў Макрон.

Макрон заклікаў «стварыць новы альянс паміж Еўропай і Азіяй, заснаваны на нашых агульных нормах і прынцыпах».

«Час недалучэння, без сумнення, прайшоў, але настаў момант для кааліцый дзеянняў – і краіны, здольныя дзейнічаць разам, павінны стварыць усе неабходныя для гэтага ўмовы», – сказаў ён.

Як адзначае France 24, на штогадовым форуме ў Сінгапуры прысутнічаюць міністры абароны і афіцыйныя асобы з усяго свету, пры гэтым у апошнія гады мерапрыемства стала барометрам амерыкана-кітайскіх стасункаў.

Міністр абароны ЗША Піт Хегсет выступіць на канферэнцыі ў суботу, пры гэтым міністр абароны Кітая Дун Цзюнь удзельнічаць у канферэнцыі не будзе. Замест яго Кітай будзе прадстаўлены старшым афіцэрам з Нацыянальнага ўніверсітэта абароны Народна-вызваленчага войска Кітая.

Выступ Макрона адбыўся ў канцы ягонага турнэ па В'етнаме, Інданэзіі і Сінгапуры, падчас якога ён прадставіў Францыю як надзейную альтэрнатыву Вашынгтону і Пекіну, піша France 24.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com