Славакія верне свайго амбасадара ў Беларусь

Ёзаф Мігаш ужо займаў гэтую пасаду ў Менску з 2016 да 2020 года.

Новым надзвычайным і паўнамоцным амбасадарам Славакіі ў Беларусі стане Ёзаф Мігаш. Пра гэта паведаміў МЗС Славакіі.

Дыпламат ужо займаў гэтую пасаду ў Менску з 2016 да 2020 года, але пакінуў яе пасля ўдзелу ў парадзе 9 траўня – тады гэта выклікала крытыку на ягонай радзіме.

Ва ўстанове падкрэслілі, што Мігаш спецыялізуецца на краінах Усходняй Еўропы і мае шматгадовы досвед у постсавецкай прасторы: раней ён таксама ўзначальваў амбасады Славакіі ва Украіне і Расеі.

Міністр замежных і еўрапейскіх справаў Славакіі Юрай Бланар пракаментаваў вяртанне Мігаша: «Мы хочам аднавіць канструктыўны дыялог і з беларускім бокам – як на двухбаковым узроўні, так і ў шматбаковым фармаце. Сёння вельмі важна даць прастору дыпламатыі, дыялогу і перамовам, каб з'явіліся першыя вынікі, напрыклад, у крытычна важных мірных перамовах і як мага хутчэйшым заканчэнні вайны ва Украіне».

МЗС Славакіі ахарактарызавала Беларусь як «эканамічную і палітычную партнёрку ў Цэнтральнай і Усходняй Еўропе», з якой магчыма развіваць супрацоўніцтва ў такіх сферах, як гандаль, сельская гаспадарка, культура і адукацыя.

Паводле словаў Ёзафа Мігаша, дыпмісія прадоўжыць консульскія паслугі славацкім грамадзянам у Беларусі. Ён таксама адзначыў рост цікавасці беларусаў да атрымання адукацыі ў Славакіі:

«У Славакіі жыве блізу 10 тысячаў беларусаў, якія з'яўляюцца мостам паразумення паміж нашымі двума народамі».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com