У NATO праігнаравалі патрабаванне Пуціна

У Альянсе ніхто не абмяркоўвае пісьмовае абавязацельства па непашырэнні на ўсход.

У NATO няма актыўных абмеркаванняў патрабавання краіны-агрэсаркі Расеі наконт «пісьмовага абавязацельства» Захаду не пашыраць Альянс на ўсход, піша ў суботу, 31 траўня, «Радыё Свабода» са спасылкай на інфармаваныя крыніцы ў NATO.

Паводле звестак выдання, на апошніх сустрэчах у рамках Альянсу тэма патэнцыйнай забароны на пашырэнне на ўсход не ўздымалася. Адна з крыніц выказала меркаванне наяўнасці звычайных «акадэмічных дыскусій», бо пастановы ў NATO прымаюцца кансэнсусам.

Іншая крыніца адзначыла, што расейцы не змогуць «так проста атрымаць» пісьмовае абавязацельства аб непашырэнні NATO, бо права свабоднага вызначэння саюза замацаванае ў шэрагу міжнародных дамоваў. Сярод іх - Паўночнаатлантычная дамова аб стварэнні NATO 1949 года, Венская канвенцыя аб праве міжнародных дамоў 1969-га і Хельсінскі заключны акт 1975-га.

Асобна дыпламат успамінае Асноватворны акт NATO - Расея 1997 года, які замацоўвае павагу да незалежнасці і тэрытарыяльнай цэласнасці ўсіх дзяржаў.

«Ён у кожным выпадку мёртвы, але разам з тым - існуе», - кажа суразмоўца аб дакуменце.

28 траўня агенцтва Reuters са спасылкай на крыніцы напісала, што сярод умоў расейскага дыктатара Уладзіміра Пуціна для заканчэння вайны ва Украіне - пісьмовае абавязацельства Захаду спыніць пашырэнне NATO на ўсход. Гэта можа стаць фармальным выключэннем сяброўства Украіны, Грузіі, Малдовы і іншых былых савецкіх рэспублік.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com