Трамп пачаў новы віток гандлёвай вайны

Новыя тарыфы набудуць моц з 4 чэрвеня.

Дональд Трамп пачаў новую эскалацыю гандлёвай вайны, заявіўшы, што павысіць тарыфы на імпарт сталі і алюмінію ўдвая - з 25 да 50 адсоткаў. Як піша Financial Times, прэзідэнт ЗША паабяцаў узвесці тарыфную «загароду» вакол айчыннай вытворчасці металаў.

«Мы збіраемся падняць тарыфы на сталь у Злучаных Штатах Амерыкі з 25 да 50 адсоткаў, што яшчэ больш засцеражэ сталеліцейную прамысловасць…Ніхто не зможа абмінуць гэта...» Пры 25 адсотках яны могуць пералезці праз агароджу. Пры 50 адсотках яны ўжо не змогуць пералезці праз агароджу», - заявіў Трамп.

Пазней Трамп у сваёй сацсетцы Truth напісаў, што новыя тарыфы набудуць моц з 4 чэрвеня.

У сакавіку Трамп увёў 25-адсоткавыя тарыфы на імпарт сталі і алюмінію, што стала адным з першых удараў у рамках ягонай глабальнай гандлёвай вайны.

«Незалежна ад юрыдычных бар'ераў і эканамічных наступстваў, Трамп відавочна мае намер працягваць выкарыстоўваць тарыфы ў якасці інструмента палітыкі, каб абараніць амерыканскую вытворчасць ад разбуральнага ўздзеяння замежнай канкурэнцыі», - сказаў Эсвар Прасад, эканаміст з Карнэльскага ўніверсітэта.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com