У Пінску затапіла рынак

Ён ужо тануў шэсць гадоў таму, але мясцовыя лукашысты высноў не зрабілі.

У TikTok з'явіліся відэа, знятыя на затопленым рынку «Сонечны» ў Пінску. У каментарах пішуць, што гэта не першы раз, зазначае BGmedia.

«29 траўня 25-га года. Рынак «Сонечны». Прыходзьце на закупы, толькі за буйкі не заплывайце», - жартуе аўтар роліка ў TikTok, які ўсяго за некалькі гадзін сабраў дзесяткі тысяч праглядаў.

На другім відэа таксама бачныя наступствы моцнай залевы на тэрыторыі рынку «Сонечны» ў Пінску.

«Немагчыма дайсці, што дзеецца», - скардзіцца аўтар роліка, спрабуючы абысці велізарную лужыну.

Карыстальнікі ў каментарах іранізуюць.

«Неўзабаве свой падводны флот у РБ будзе».

«Венецыя па-пінску».

«Галоўнае - арэнду своечасова плаці».

«Гэта нармальна, мы ж не ў пустыні жывём, а ў царстве балот».

Але за жартамі - стомленасць і злосць. Людзі не разумеюць, чаму такія патопы паўтараюцца. Адна з карыстальніц піша: «20 чэрвеня 2019 года быў такі ж патоп. Я тады тамака працавала. Ёсць нават відэа».

Прайшло шэсць гадоў - нічога не змянілася. Каналізацыя па-ранейшаму не спраўляецца. Вада на рынку - па шчыкалатку. Злівы, са слоў відавочцаў, проста не працуюць.

«Падазраю, што на ліўнёўцы сэканомілі», – дзеліцца адзін з каментатараў.

І гэта не адзінкавы выпадак. У сацсетках жыхары Берасцейскай вобласці масава скардзяцца на падтапленні: Баранавічы, Івацэвічы, Ляхавічы, Бяроза — усюды адна і тая ж гісторыя. Кароткачасовы дождж, і вада стаіць на вуліцах.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com