Расейскі ВПК пад ударам: з'явіліся падрабязнасці налёту дронаў УСУ
3- 7.05.2025, 11:51
- 6,646
БПЛА падляталі і да Масквы.
Уночы 7 траўня Расею атакавалі дроны. Пад прыцэлам былі аб'екты вайскова-прамысловага комплексу краіны-агрэсаркі, ёсць інфармацыя аб некалькіх трапляннях, паведамляе «Обозреватель».
Кіраўнік Цэнтра процідзеяння дэзінфармацыі пры Радзе нацыянальнай бяспекі і абароны Украіны Андрэй Каваленка адзначыў у Telegram, што БпЛА даляцелі да Мардовіі і ўдарылі па заводзе оптавалакновых сістэм у Саранску. Паводле звестак расейскіх СМІ і інтэрнэт-рэсурсаў, пашкоджаныя два аб'екты: «Сарансккабель»(54.225465, 45.191437) і «Сарансккабель-Оптыка» (54.225151, 45.195900).
Гаворка ідзе пра ключавы элемент расейскага ВПК у сферы сучаснай вайсковай сувязі. Прадпрыемствы вырабляюць оптавалакновыя кабелі (у тым ліку для дронаў на оптавалакне) і сістэмы сувязі для войска Расеі.
Завод, са слоў Каваленкі, вельмі сур'ёзна пацярпеў.
«Оптавалакно - гэта адна з пераваг ворага на фронце за кошт дронаў на оптавалакне. Гэты завод цалкам забяспечвае расейскае войска оптавалакном. Цяпер стаіць пытанне магчымага спынення яго працы», - мяркуе ён.
Адміністрацыя Саранска 7 траўня скасавала заняткі ў дзіцячых садках, школах, каледжах і ВНУ.
Аб актыўнасці беспілотнікаў у Тульскай вобласці паведамляў губернатар рэгіёну Дзмітрый Міляеў. А 05:30 серады ён пісаў, што сродкі СПА адбілі пятую атаку.
Аб пацярпелых і пашкоджаннях расейскія СМІ не паведамляюць, але Каваленка сцвярджае, што было атакаваная АТ «Канструктарскае бюро прыборабудавання». Яно спецыялізуецца на распрацоўцы сучасных сістэм узбраенняў, уключаючы супрацьтанкавыя комплексы, стралковую зброю і баявыя модулі.
Таксама ў Туле цэллю дронаў было навукова-вытворчае аб'яднанне «Сплаў». Гэта вытворца ракетных сістэм залпавага агню «Град», «Смерч», «Ураган» ды іншых.
«Прадпрыемства мае шчыльную сувязь з канцэрнам «Растэх» і застаецца адным з прыярытэтных вытворцаў зброі для расейскага войска», – напісаў Каваленка.
Вядома, што дроны былі збітыя на падлёце да Масквы. Мясцовыя ўлады заяўлялі аб ліквідацыі дзевяці БпЛА.
Telegram-канал Exilenova+ сцвярджае, што беспілотнікі атакавалі падмаскоўны вайсковы аэрадром «Кубінка», на якім базуюцца знішчальнікі.
Таксама ў Exilenova+ мяркуюць, што БпЛА трапіў па аэрадроме стратэгічнай авіяцыі ВСРФ 1-га класа «Шайкоўка» ў Маскоўскай вобласці.
Папярэдне, загарэліся цыстэрны з авіяцыйным палівам і склад ГЗМ. Гэта можа сур'ёзна паўплываць на баяздольнасць размешчанага там 52-га авіяпалка з Ту-22М3, а таксама паставіць пад сумнеў выкарыстанне авіяцыі, якая размяшчаецца там часова і планавалася для ўдзелу ў парадзе 9 траўня ў Маскве.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
