Трамп прыстрашыў Расею новымі санкцыямі

Прэзідэнт ЗША выступіў з заявай пасля размовы з Зяленскім.

Расея і Украіна павінны ўкласці замірэнне без дадатковых умоў як мінімум на 30 дзён, заявіў прэзідэнт ЗША Дональд Трамп. Паводле яго, перамовы паміж сторанамі трываюць.

"Калі спыненне агню не будзе выконвацца, ЗША і іх партнёры ўвядуць дадатковыя санкцыі", - напісаў кіраўнік Белага дома ў Truth Social. Ён дадаў, што на вайне ва Украіне штодня гінуць “тысячы маладых жаўнераў”.

Трамп таксама падкрэсліў, што ён супольна з еўрапейскімі партнёрамі працягне імкнуцца да дасягнення замірэння паміж Масквой і Кіевам, якое павінна «ў выніку прывесці да мірнага пагаднення».

Увечары 8 траўня прэзідэнт Украіны Уладзімір Зяленскі паведаміў пра “добрую размову” з Трампам, якая тычылася, сярод іншага, мірнага ўрэгулявання. Украіна гатовая да 30-дзённага замірэння “хоць з сённяшняга дня”, адзначыў ён. “Мы чакаем ад Расеі згоды з гэтай прапановай. Я пацвердзіў, што Украіна гатовая да перамоў ва ўсялякім фармаце”, - напісаў Зяленскі ў тэлеграм-канале.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com