ЗША абвяшчаюць пра найбуйнейшае «разгортванне» ў гісторыі

І гаворка не пра ваенныя дзеянні.

Калі гаворка заходзіць пра разгортванне, ва ўяўленні часцей за ўсё ўзнікаюць ваенныя дзеянні. Аднак на гэты раз гаворка ідзе пра іншую вайну – глабальную барацьбу супраць выкапнёвага паліва. І «салдатамі» сталі найбуйнейшыя тэхналагічныя гіганты: Meta, Amazon і Google, якія аб'ядналі намаганні дзеля чыстай энэргетычнай будучыні, піша выданне The Pulse (пераклад – сайт Charter97.org).

На канферэнцыі CERAWeek у Х'юстане было падпісанае абавязальніцтва, ініцыяванае Сусветнай ядзернай асацыяцыяй (WNA), аб трохразовым павелічэнні сусветных аб'ёмаў ядзернай энэргіі да 2050 года. Падтрымку гэтай мэты выказалі не толькі IT-кампаніі, але і прадстаўнікі авіяцыі, марскога транспарту, нафтагазавага сектару і фінансавых інстытутаў.

Гэтае абавязальніцтва дапаўняе абяцанне, дадзенае ў 2023 годзе на Канферэнцыі ААН пра клімат, дзе больш за 30 краінаў і асноўныя фінансавыя арганізацыі – уключаючы Bank of America, Goldman Sachs і Morgan Stanley – пагадзіліся таксама патроіць аб'ёмы ядзернай энэргіі.

Дакумент пад назвай «Абавязальніцтва буйных спажыўцоў энэргіі» стаў першым выпадкам, калі прадстаўнікі іншых галінаў, акрамя ядзернай, афіцыйна падтрымалі маштабнае пашырэнне ядзернага сектару. Гэта чыстая і надзейная крыніца энэргіі — ядзерная энэргетыка зноў становіцца ключавым элементам у глабальным энэргетычным пераходзе.

Паводле звестак WNA, на пачатак 2025 года ў свеце функцыянуе 439 рэактараў з агульнай магутнасцю 371 гігават. Аднак на дзель ядзернай энэргіі прыпадае ўсяго 9 адсоткаў сусветнай вытворчасці электраэнэргіі. Пашырэнне гэтых магутнасцяў неабходнае не толькі для экалогіі, але і для энэргетычнай бяспекі, асабліва для краінаў, якія залежаць ад імпарту вуглевадародаў.

«З пашырэннем глабальнай эканомікі надзейнае, чыстае і ўстойлівае энэргазабеспячэнне становіцца жыццёва неабходным. Ядзерная энэргія здольная забяспечыць стабільную энэргаплынь. Мы рады далучыцца да супольнай ініцыятывы для развіцця ядзернай энэргетыкі і пацвердзіць сваю прыхільнасць да гэтага кірунку», – заявіў Урві Парэх, кіраўнік аддзела глабальнай энэргетыкі Meta

У кастрычніку 2024 года Amazon і Google ужо абвясцілі пра інвестыцыі ў развіццё малых модульных ядзерных рэактараў (SMR) – тэхналогіі, якая, як спадзяюцца ў галіне, зможа скараціць кошт і тэрміны будаўніцтва новых рэактараў. У снежні Meta далучылася да праекту і пачала разглядаць прапановы ад распрацоўнікаў на будаўніцтва да 4 гігаватаў новых ядзерных магутнасцяў у ЗША.

Тэхналагічныя гіганты разглядаюць ядзерную энэргію як неабходную аснову ўстойлівага развіцця і адзін з ключавых інструментаў для зніжэння выкідаў вугляроду ў атмасферу.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com