Трамп пакпіў з Грэты Тунбэрг

Напярэдадні экаактывістку затрымалі ізраільскія вайскоўцы.

Амерыканскі прэзідэнт Дональд Трамп высмеяў кліматычную актывістку Грэту Тунбэрг пасля таго, як Ізраіль перахапіў лодку, на якой яна накіроўвалася ў сектар Газа.

Пра гэта ён сказаў падчас размовы з журналістамі, перадае The Hill.

Журналісты папрасілі пракаментаваць нядаўні інцыдэнт з Тунбэрг, лодка якой была перахопленая ізраільскімі вайскоўцамі, калі яна і яшчэ некалькі актывістаў накіроўваліся ў сектар Газа.

«Яна дзіўны чалавек. Яна маладая, злая жанчына», – сказаў амерыканскі прэзідэнт.

На ягоную думку, актывістка «безумоўна, адрозніваецца ад іншых». Лідар ЗША параіў ёй запісацца на курсы кіравання гневам.

«Я думаю, ёй трэба запісацца на курсы кіравання гневам. Гэта мая галоўная парада для яе», - дадаў Трамп.

Напярэдадні стала вядома, што судна з Тунбэрг Madlee, якое накіроўвалася ў сектар Газа, буксуецца ізраільскім флотам у Ізраіль пасля таго, як на яго высадзіліся вайскоўцы.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com