У Аўстрыі адбылася страляніна ў школе

СМІ паведамляюць аб васьмі загінулых, нападнік магчыма скончыў жыццё самагубствам.

У аўторак, 10 чэрвеня, у Граце, Аўстрыя, у сярэдняй школе адбылася страляніна, у выніку якой загінулі восем чалавек, сярод ахвяр ёсць вучні і настаўнікі.

Пра гэта паведамляе BBC і таблоід Kronen Zeitung.

Адзначаецца, што афіцыйна звесткі аб колькасці ахвяр не пацверджаныя.

Аўстрыйская паліцыя паведаміла, што страляніна адбылася ў федэральнай гімназіі на вуліцы Драйершутцэнгасэ, на паўночным захадзе горада Грац, недалёка ад галоўнага цэнтральнага чыгуначнага вакзала.

Kronen Zeitung піша, што параненыя вучні знаходзяцца ў размешчанай непадалёк зале імя Гельмута Ліста — месцы правядзення мерапрыемстваў, якое знаходзіцца вельмі блізка да школы. Відавочцы паведамілі, што чулі блізу 20 стрэлаў.

Адзначаецца, што падазраваны быў студэнтам BORG і разглядаў сябе за ахвяру булінга. Дагэтуль незразумела, ці дзейнічаў ён сам. Яго знайшлі мёртвым у адной з прыбіральняў. Магчыма, ён скончыў жыццё самагубствам.

Са звестак паліцыі, на вуліцы працягваецца аперацыя, праце гелікаптэр.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com