У Казахстане арыштаваны звольнены міністр абароны

Магчыма, справа ў крадзяжах.

Руслан Жаксылыкаў, якога прэзідэнт Казахстана Касым-Жамарт Такаеў нечакана звольніў у мінулую нядзелю з пасады міністра абароны, затрыманы і ўзяты пад варту ў следчым ізалятары ў Астане, паведамляе «Радыё Свабода».

Падрабязнасці затрымання не выдаюцца ў адпаведнасці з пунктамі Крымінальнага кодэкса Казахстана.

Паводле інфармацыі крыніц Elmedia, затрыманне зрабіў Камітэт дзяржаўнай бяспекі Казахстана. «Мяркуем, што гэта неяк звязана з крадзяжамі», - удакладніла крыніца.

Жаксылыкаў, які раней займаў пасаду намесніка міністра ўнутраных спраў і камандзіра Нацыянальнай гвардыяй, быў прызначаны міністрам абароны Казахстана пасля студзеньскіх падзей 2022 года, калі масавыя пратэсты, выкліканыя скасаваннем цэнавай столі на паліва, перараслі ў маштабныя беспарадкі. Для іх здушэння ўладам давялося звярнуцца па дапамогу да войскаў Арганізацыі Дамовы аб калектыўнай бяспецы (АДКБ), у Казахстан былі накіраваныя вайсковыя падраздзяленні Расеі.

У публікацыях, прысвечаных дзейнасці Жаксылыкава на пасадзе міністра, нярэдка адзначалася, што ў апошнія гады ў Казахстане рэзка пачасціліся выпадкі прымусовага набору ў войска на тэрміновую службу.

Прычына звальнення Жаксылыкава афіцыйна не пазначалася.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com