ЕЗ падрыхтаваў новы пакет санкцый супраць рэжыму Лукашэнкі

Новыя абмежаванні павінны пашырыць фінансавую блакаду рэжыму.

Еўрапейская камісія падрыхтавала новы, ужо 18-ы пакет санкцый супраць Расеі і рэжыму Лукашэнкі за агрэсію супраць Украіны. Сярод прапаноў — поўная забарона на аперацыі з беларускімі банкаўскімі структурамі. Пра гэта «Радыё Свабода» даведалася ад інфармаваных крыніц у Брусэлі.

18-ы пакет санкцый накіраваны на далейшае абмежаванне вайскова-прамысловага патэнцыялу Расеі, якая з 2022 года вядзе поўнамаштабную вайну супраць Украіны. Беларусь уключаная ў пакет санкцый, бо рэжым Лукашэнкі падтрымлівае расейскую агрэсію.

У падрыхтаваным пакеце санкцый фігуруюць чатыры беларускія кампаніі, якія дзейнічаюць у галіне абароны і вайсковай прамысловасці. Іх публічна назавуць пазней. Еўракамісія прапануе замарозіць іх актывы і забараніць весці бізнэс у межах ЕЗ.

Акрамя гэтага, Еўракамісія таксама прапанавала пашырыць сектаральныя абмежаванні для Беларусі. Сярод іх поўная забарона на аперацыі з беларускімі банкаўскімі структурамі, якая раней тычылася толькі фінансавых паведамленняў (de — SWIFTing - адключэнне ад міжнароднай сістэмы банкаўскіх міждзяржаўных разлікаў SWIFT, якое істотна абмяжоўвае магчымасці банкаў праводзіць аперацыі за мяжой), а цяпер ператвараецца ў поўную забарону транзакцый.

Таксама ўпершыню пад забарону трапляе імпарт узбраенняў з Беларусі ў ЕЗ.

Каб узмацніць кантроль за магчымым абыходам абмежаванняў, ЕЗ прапануе пашырыць спіс тавараў і тэхналогій, якія могуць выкарыстоўвацца для ўмацавання беларускай вайсковай і прамысловай базы. Гаворка ідзе пра машыны, хімікаты, асобныя віды металаў і пластыкаў. Забараняецца таксама транзіт шэрагу тавараў праз тэрыторыю Беларусі.

Як тлумачыць еўрапейскі рэдактар Радыё Свабодная Еўропа/Радыё Свабода Рыкард Юзвяк, распрацаваны Еўракамісіяй 18-ы пакет санкцый павінны ўзгадніць прадстаўнікі ўсіх 27 краін Еўразвязу. Прыняцце дакумента чакаецца цягам чэрвеня.

У папярэднім, 17-м пакеце, зацверджаным Радай ЕЗ у гэтым годзе 20 траўня, былі ўведзеныя санкцыі супраць менскага завода колавых цягачоў (МЗКЦ). У абгрунтаванні гаварылася, што «Мінскі завод колавых цягачоў — беларускае вайскова-прамысловае прадпрыемства, якое распрацоўвае вайсковую тэхніку для Узброеных Сіл РФ і падтрымлівае абараназдольнасць Расеі».

Улетку 2024 года Еўразвяз абвясціў аб сектаральных санкцыях супраць Расеі і Беларусі. Тады ўжо быў уведзены шэраг абмежаванняў супраць беларускай фінансавай сістэмы:

абмежаванне доступу да SWIFT для Белаграпрамбанка, Банка Дабрабыт і Банка развіцця Рэспублікі Беларусь», а таксама іх беларускім даччыных структур;

забарона аперацый з Нацыянальным банкам Беларусі, звязаных з кіраваннем рэзервамі або актывамі, а таксама дзяржаўным фінансаваннем для гандлю з Беларуссю і інвестыцый у Беларусь;

забарона лістынга і выканання паслуг у дачыненні да акцый беларускіх дзяржаўных арганізацый на гандлёвых пляцоўках ЕЗ;

істотнае абмежаванне фінансавых паступленняў з Беларусі ў ЕЗ, забарона прымаць дэпазіты, якія перавышаюць 100 000 еўраў, ад беларускіх грамадзян або рэзідэнтаў Беларусі, трымаць рахункі беларускіх кліентаў у цэнтральных дэпазітарыях каштоўных папер ЕЗ, а таксама прадаваць каштоўныя паперы, намінаваныя ў еўрах, беларускім кліентам;

забарона пастаўкі ў Беларусь банкнот еўраў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com