На рынку нерухомасці ў Менску назіраецца дэфіцыт пэўнага жылля

Гэта адбіваецца на цэнах.

Экспэрты агенцтва нерухомасці "Авангард" прааналізавалі, якая сітуацыя з продажам і купляй жылля ў Менску.

"Колькасць угод хоць ужо і не б'е рэкорды, але рост коштаў не запавольваецца. Новы месяц - новы рэкорд сярэдняй цаны квадратнага метра ў Менску па выніках мінулых угод", - адзначаюць аналітыкі.

«У траўні прайшло 1210 здзелак з нерухомасцю ў Менску. Гэта на 9,4% больш да паказчыка красавіка. Калі параўноўваць з траўнем мінулага года, то ўгод прайшло менш на 11,5%», — адзначаюць аналітыкі і дадаюць, што ўгоды аб дзелях і пакоях не ўлічваліся. І яшчэ ёсць адзін нюанс: некаторыя травеньскія продажы і пакупкі не прайшлі рэгістрацыю, таму не паказваюцца ў статыстыцы.

«Колькасць угод хоць ужо і не б'е рэкорды, але рост коштаў не запавольваецца. Новы месяц - новы рэкорд сярэдняй цаны квадратнага метра ў Мннску па выніках мінулых угод. У траўні яшчэ плюс 2,5% да красавіцкага значэння. І выніковая цана на 1744 даляраў за адзін квадратны метр у сталіцы. Магчыма, гэта звязана са скарачэннем колькасці аб'ектаў на рынку», — адзначаюць экспэрты агенцтва нерухомасці «Авангард».

Яны таксама звяртаюць увагу на тое, што «травень зноў адзначыўся рэкорднымі паказчыкамі сярэдняй цаны квадрата ў залежнасці ад колькасці пакояў у кватэры».

На рынку нерухомасці ў Менску паўстаў дэфіцыт некаторага жылля, з-за чаго рэкордна падскочылі цэны. Экспэрты патлумачылі, што адбываецца

«У сегменце 1-пакаёвых кватэр — чарговы рост сярэдняй цаны, у гэты раз - плюс 2,8%. У выніку 1893 даляраў за метр квадратны ў аднапакаёўках. Рэкордныя паказчыкі і ў сегменце 2-пакаёвых кватэр. Кошт у двухпакаёвак дадаў плюс 1,1%, а ў выніку 1643 даляраў у сярэднім за адзін метр квадратны. А вось у сегменце 3-пакаёвых кватэр не адбылося ні росту, ні падзення сярэдняй цаны, - адзначаюць аналітыкі. - Ужо 2 месяцы запар квадратны метр каштуе 1551 даляра. У сегменце 4-пакаёвых кватэр рост цаны працягваецца ўжо 2 месяц запар. У траўні яшчэ +7,5% і рэкордныя 1589 даляраў за адзін квадратны метр».

Сярэдні кошт квадратнага метра ў траўні склаў:

-на 1-пакаёвыя кватэры - 1893 даляраў за квадратны метр (+2,8% за месяц);

- на 2-пакаёвыя - 1643 даляраў (+1,1%);

- на 3-пакаёвыя - 1551 даляраў (без змен);

- на 4-х пакаёвыя-1589 даляраў (+7,5%).

«47% усіх угод у траўні прайшло з 1-пакаёвымі кватэрамі. Гэтая сітуацыя працягвае быць тыповай для рынку нерухомасці Менска, — дадаюць аналітыкі. - Самая дарагая ўгода траўня зафіксаваная ў жылым комплексе «D3» на праспекце Пераможцаў. Кватэра плошчай 263,4 квадратных метра была прададзеная за 903 711 даляр у эквіваленце. Кожны метр каштаваў пакупніку 3 426 даляраў. Упершыню за некалькі месяцаў назіранняў самая буйная ўгода прайшла не ў жылых комплексах «Дэпо» або «Ля Траецкага».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com