Зяленскі: Трэба рабіць усё, каб кошт расейскай нафты быў ніжэйшы, чым яны могуць вытрымаць

Трэба максімальна абмежаваць танкерны флот, тэхналагічныя магчымасці здабычы і перапрацоўкі.

Партнёры Украіны павінны рабіць усё для таго, каб кошт расейскай нафты быў ніжэйшы, чым РФ можа вытрымаць, мяркуе прэзідэнт Украіны Уладзімір Зяленскі. Такую думку ён выказаў у вечаровым відэазвароце, каментуючы анансаваны 18-ы пакет санкцый Еўрапейскага Звязу.

«Важны крок Еўракамісіі – анансаваны новы санкцыйны пакет. Я дзякую, што засяроджаны гэты 18-ы пакет на расейскіх энэргарэсурсах і банках. Правільны кірунак для ціску», – заявіў кіраўнік дзяржавы.

Ён падкрэсліў, што гэты пакет трэба напоўніць моцнымі дэталямі. Паводле словаў прэзідэнта, здольнасць Расеі прадаўжаць вайну роўная здольнасці прадаваць іх нафту і абыходзіць фінансавыя бар'еры.

«Менавіта таму трэба максімальна абмяжоўваць расейскі танкерны флот, іх тэхналагічныя магчымасці здабычы і перапрацоўкі, а таксама рабіць усё, каб кошт расейскай нафты быў ніжэйшы, чым яны могуць вытрымаць», – падкрэсліў Зяленскі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com