У Лос-Анджэлесе ўвялі каменданцкую гадзіну
16- 11.06.2025, 7:47
- 6,564
У мэрыі назвалі прычыну.
У цэнтры сталіцы Каліфорніі дзейнічае каменданцкая гадзіна з-за фактаў марадзёрства ўдзельнікаў пратэсту.
Пра гэта паведамляе CNN.
Мясцовыя ўлады Лос-Анджэлеса ўвялі каменданцкую гадзіну ў абмежаванай зоне цэнтра горада, дзе працягваюцца масавыя пратэсты мігрантаў.
Мэр горада Карэн Бас падчас прэс-канферэнцыі заявіла, што абмежаванні будуць дзейнічаць з 20:00 аўторка да 6:00 серады мясцовага часу.
Каменданцкая гадзіна ў горадзе ўжо дзейнічае і пачалася а 06: 00 паводле менскага часу.
Са слоў крыніцы ў праваахоўных органах, абмежаванні закрануць менш за 100 тысяч чалавек з 4 мільёнаў жыхароў Лос-Анджэлеса.
Офіс гарадскога старшыні таксама апублікаваў графік межаў зоны, на якую распаўсюджваецца каменданцкая гадзіна ў цэнтры каліфарнійскай сталіцы.
Прычына ўвядзення абмежаванняў
У мэрыі паведамілі, што падчас пратэстаў супраць іміграцыйнай палітыкі, якія прайшлі на гэтым тыдні, у цэнтры Лос-Анджэлеса былі абрабаваныя амаль 23 прадпрыемствы.
Бас удакладніла, што гэта «гвалтоўныя паводзіны» і стала адной з прычын, чаму гарадскія ўлады надумалі ўвесці абмежаванні.
«Каменданцкая гадзіна разглядалася цягам некалькіх дзён. Аднак пасля гвалту, які адбыўся мінулай ноччу, - 23 крамы былі разрабаваныя,-і проста праз маштабны характар вандалізму, мы дайшлі да крытычнага пункту», - сказала яна.
Са звестак паліцыі, падазраваныя рабаўнікі абрабавалі крамы Adidas, Apple Store, два дыспансеры, аптэку і ювелірную краму.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
