Дроны атакавалі Катоўскі парахавы завод у Тамбоўскай вобласці РФ
7- 11.06.2025, 7:53
- 11,906
Грымнула найменей 15 выбухаў.
Пад раніцу 11 чэрвеня серыя выбухаў прагрымела ў расейскім Катоўску Тамбоўскай вобласці: мясцовыя паведамляюць пра прынамсі 15 гучных выбухаў і атаку па парахавым заводзе. Завод вырабляе прадукцыю для стралковай зброі, артылерыйскіх сістэм, гранатамётаў і іншай зброі УС РФ, піша «Фокус».
Пра атаку па прадпрыемстве, якое пастаўляе порах для расейскай зброі, паведаміў мясцовы Telegram-канал Mash.
Mash інфармаваў аб абстрэле Катоўскага парахавога завода а 04:00 гадзіне.
«БпЛА атакуюць Тамбоўскі парахавы завод. Жыхары горада Катоўск чулі прынамсі 15 гукаў выбухаў у небе.З іх слоў, па цэлях працуе СПА. На горад працягваюць ляцець беспілотнікі», - гаворыцца ў паведамленні.
Таксама ў сетцы апублікавалі кадры атакі па парахавым заводзе ў Катоўску.
Пра атаку па Катоўскім парахавым заводзе таксама паведаміў праўкраінскі Telegram-канал Exilenova+.
Цяпер мясцовыя ўлады не падавалі каментароў наконт атакі дронаў.
Катоўскі Парахавы завод у Тамбоўскай вобласці ўважаецца за адное з найбуйнейшых прадпрыемстваў РФ, дзе вырабляюць боепрыпасы і порах для стралковай зброі УС РФ. З пачатку поўнамаштабнага ўварвання Расеі ва Украіну прадпрыемства павялічыла вытворчасць на адну траціну. Прадпрыемства ўваходзіць у контур дзяржкарпарацыі «Растэх» і забяспечвае пастаўкі для Мінабароны РФ і іншых заказчыкаў.
На Катоўскім парахавым заводзе вырабляюць бяздымны піраксілінвы порах для:
стралковай зброі;
артылерыйскіх сістэм;
гранатамётаў;
мінамётных боепрыпасаў;
танкавых стрэлаў.
Акрамя таго, Катоўскі парахавы завод вырабляе парахавыя набоі для боепрыпасаў рознага калібру.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
