The Times: У выведкі Нямеччыны ёсць доказы планаў РФ атакаваць краіны NATO
6- 11.06.2025, 9:07
- 7,392
Крэмль надумаў праверыць на практыцы надзейнасць 5-га артыкула Паўночнаатлантычнай дамовы.
Расея плануе праверыць дзейснасць пятага артыкула Паўночнаатлантычнай дамовы, якая гарантуе ўзаемную абарону ў выпадку нападу на адну з краін-чальцоў альянсу.
Як заявіў кіраўнік Федэральнай выведвальнай службы Нямеччыны (BND) Бруна Каль, нямецкая выведка мае канкрэтныя довады падрыхтоўкі Крамля да патэнцыйнай агрэсіі супраць NATO, паведамляе The Times.
Каль адзначыў, што Масква больш не верыць у надзейнасць сістэмы калектыўнай абароны NATO, таму ў Крамлі могуць паспрабаваць праверыць гэтую гарантыю на практыцы.
«Мы абсалютна ўпэўненыя і маем выведвальныя довады ў пацвярджэнне таго, што [поўнамаштабнае ўварванне Расеі ва] Украіну – толькі адзін этап на яе шляху на Захад», – сказаў кіраўнік BND.
Ён удакладніў, што гэта «не азначае, што мы чакаем ўварвання вялікіх танкавых батальёнаў з Усходу на Захад».
Каль папярэдзіў, што Расея імкнецца «выціснуць NATO да межаў 1990-х гадоў», «выштурхаць ЗША з Еўропы» і «пашырыць свой уплыў усялякім коштам».
«Мы павінны здушыць гэта ў самым пачатку», - падкрэсліў Каль.
У той жа час ён адзначыў, што нягледзячы на пэўнае напружанне, супрацоўніцтва з ЗША застаецца стабільным.
«Амерыканцы вельмі сур'ёзна ставяцца да артыкула 5, але ў той жа час справядліва намагаюць на тым, што Еўропа павінна ўносіць свой уклад», – сказаў ён.
Раней міністр абароны Нямеччыны Барыс Пісторыус выказваў падобныя засцярогі. Ён неаднаразова заяўляў, што Нямеччына павінна быць «гатовай да вайны» да канца гэтага дзесяцігоддзя.
«Нашы экспэрты ацэньваюць, што гэта можа адбыцца ў перыяд ад пяці да васьмі гадоў», – сказаў Пісторыюс у інтэрв'ю Tagesspiegel летась.
Дацкая вайсковая выведка ў сваёй лютаўскай справаздачы прыйшла да высновы, што пасля заканчэння вайны ва Украіне Расея зможа перакінуць значныя сілы да межаў іншых еўрапейскіх краін цягам паўгода.
Намеснік кіраўніка Федэральнага ведамства ў абароне Канстытуцыі (BfV) Сінан Сялім паведаміў, што Расея ўсё больш актыўна выкарыстоўвае кібератакі і дыверсіі супраць заходніх краін.
«Мы зафіксавалі, што расейская агрэсія супраць Украіны прывяла да таго, што наша кіберабарона і процідзеянне шпіянажу ўсё часцей праходзяць сур'ёзную праверку», – заявіў Сялім.
У штогадовай справаздачы BfV гаворыцца, што Расея пачала актыўна выкарыстоўваць так званых «агентаў ніжэйшага ўзроўню» для ажыццяўлення дыверсій, размяшчэння запальных прылад у пасылках, што выклікала шэраг пажараў у лагістычных цэнтрах Еўропы.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
