Келаг расказаў, як можа закончыцца вайна Расеі супраць Украіны
3- 12.06.2025, 14:49
- 11,170
Спецпрадстаўнік прэзідэнта ЗША параўнаў Зяленскага з Лінкальнам.
Спецпрадстаўнік прэзідэнта ЗША ў пытаннях Украіны Кіт Келаг расказаў, якім можа быць заканчэнне расейскай агрэсіі супраць Украіны, піша New Voice.
У Брусэлі падчас форуму нямецкага Фонду Маршала Келаг паведаміў, што чакае «пачуццё ўпэўненасці» пасля азнаямлення з украінскім і расейскім прапановамі аб заканчэнні вайны.
«Цяпер мы дастаткова ўпэўнена сябе адчуваем. Мы ведаем, як можа і павінна выглядаць канчатковы стан. І калі б мы маглі проста дайсці да гэтага моманту, то, думаю, тут можна перамагчы. Пад перамогай я маю на ўвазе магчымасць дайсці да мірнага пагадненняю, - заявіў Келаг.
Ён удакладніў, што «канчатковы стан» можа выглядаць як усёабдымнае спыненне агню.
«Спыненне агню на месцы - гэта значыць на зямлі, на якой вы фізічна знаходзіцеся», - сказаў ён.
Спецпрадстаўнік Трампа дадаў, што пасля спынення агню ЗША чакаюць вяртання ва Украіну дзяцей і абмен палоннымі.
«Затым - паспрабаваць вярнуць расейцаў да таго, што я б назваў Лігай Нацый. Таму ўсе працуюць разам... вы ўсё можаце жыць з вынікамі гэтага ў доўгатэрміновай перспектыве», - падкрэсліў Келаг.
Ён таксама адзначыў намаганні Уладзіміра Зяленскага і адзначыў, што звяртаў на гэта ўвагу прэзідэнта ЗША.
«У нас не было амерыканскага прэзідэнта з часоў Абрагама Лінкальна, які б павінен быў рабіць тое, што зрабіў прэзідэнт Зяленскі. Ён вядзе вайну за нацыянальнае выжыванне на сваёй уласнай зямлі», - падкрэсліў ён.
2 чэрвеня ў Стамбуле адбылася другая сустрэча дэлегацый Украіны і краіны-агрэсаркі Расеі. Як сцвярджаюць расейскія СМІ, яна доўжылася больш за гадзіну. Стораны дамовіліся аб абмене ваеннапалоннымі ў фармаце «ўсіх на ўсіх» дзвюх катэгорый - цяжкапараненых і цяжкахворых і маладых вайскоўцаў ва ўзросце да 25 гадоў.
Украіна прапанавала агрэсару сустрэчу на ўзроўні лідараў да канца месяца з магчымасцю прысутнасці трэцяй стараны — напрыклад, амерыканскага прэзідэнта. Пасля гэтага Пяскоў заявіў, што найбліжэйшым часам перамовы «наўрад ці» адбудуцца.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
