Кіраўнік Мінабароны Нямеччыны: Украіна ўступіць у NATO

Рух Кіева ў Альянс незваротны.

Будучыня Украіны адназначна звязаная з NATO, заявіў міністр абароны Нямеччыны Барыс Пісторыюс, выступаючы на супольнай прэс-канферэнцыі з прэзідэнтам Украіны Уладзімірам Зяленскім у Кіеве. Пісторыюс падкрэсліў, што пастановы датычна незваротнага руху Украіны да ўступлення ў Альянс, прынятыя раней на самітах NATO, застаюцца ў сіле. «Мы ўжо на самітах у Вашынгтоне і Брусэлі абмеркавалі, што будучыня Украіны знаходзіцца ў NATO. Я не думаю, што ёсць яшчэ нейкія працэсы, якія адбываюцца ў гэтым плане», – адзначыў міністр (цытата паводле УНІАН).

Што тычыцца выніковай дэкларацыі будучага саміту NATO, які пройдзе 24–25 чэрвеня ў Гаазе, Пісторыюс дадаў, што пакуль не можа каментаваць, якія менавіта фармулёўкі датычна Украіны будуць у ёй адлюстраваныя. Кіраўнік Мінабароны ФРГ таксама паведаміў, што Нямеччына плануе дадаткова вылучыць 1,9 мільярда еўраў на падтрымку Украіны ў 2025 годзе. Сродкі, сярод іншага, пойдуць на развіццё вытворчасці ўкраінскага дальнабойнага ўзбраення. Хоць канчатковая пастанова яшчэ не прынятая, Пісторыюс выказаў упэўненасць, што яна будзе зацверджаная.

Разам з тым, паводле словаў міністра, новы ўрад Нямеччыны, які ўзначальвае канцлер Фрыдрых Мерц, не разглядае магчымасць пастаўкі крылатых ракетаў вялікай далёкасці Taurus Украіне.

Уладзімір Зяленскі, у сваю чаргу, падчас прэс-канферэнцыі паведаміў, што Нямеччына распрацавала трохгадовы план паставак сістэмаў супрацьпаветранай абароны IRIS-T ва Украіну. «Гэта не значыць, што столькі гадоў будзе вайна, але ўсё роўна Украіну, нашую зямлю і спакой нашых людзей трэба абараняць якаснымі сістэмамі СПА. Я ўдзячны, што ў нас ёсць разуменне рэалізацыі гэтага праекту на найбліжэйшыя тры гады», – адзначыў украінскі прэзідэнт.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com