ЦАХАЛ: У Ірана быў план знішчэння Ізраіля

Удары па ядзерных аб'ектах і камандаванні Ірана носяць прэвентыўны характар.

Як паведамляе прэс-служба Войска абароны Ізраіля (ЦАХАЛ), на працягу ночы больш за 200 знішчальнікаў ВПС Ізраіля, пры дакладным навядзенні выведвальнай управы, нанеслі ўдары па больш як 100 цэлях па ўсёй тэрыторыі Ірана, уключаючы схованкі вышэйшых вайсковых чыноў іранскага рэжыму.

У выніку ўдараў былі ліквідаваныя тры самыя высокапастаўленыя вайсковыя камандзіры іранскага рэжыму:

Начальнік Генеральнага штаба Узброеных Сіл іранскага рэжыму - Махамад Хасэйн Бакеры,

Камандзір корпусам вартавых ісламскай рэвалюцыі - Хасэйн Саламі,

Камандзір штаба «Хатэм Аль-Анбія» (штаб экстранага рэагавання) — Хатем-Галамалі Рашыд.

«На працягу многіх гадоў іранскі рэжым вёў прамую і ўскосную кампанію тэрору супраць дзяржавы Ізраіль, распрацоўваючы ядзерную зброю, перадавыя ракеты вялікай далёкасці і боегалоўкі, а таксама фінансуючы і накіроўваючы тэрарыстычныя проксі па ўсім Блізкім Усходзе», – гаворыцца ў паведамленні войска.

Паводле інфармацыі ЦАХАЛа, іранскі рэжым распрацаваў канкрэтны план знішчэння дзяржавы Ізраіль, які палягае ў атрыманні ядзернай зброі, вытворчасці дзясяткаў тысяч ракет і БПЛА і распрацоўцы планаў камбінаванага наземнага наступу на Ізраіль на некалькіх франтах адначасова.

«У Дзяржавы Ізраіль не засталося выбару. Войска абароны Ізраіля абавязаная дзейнічаць, каб абараніць грамадзян дзяржавы Ізраіль, і будзе працягваць гэта рабіць», – сказана ў заяве вайскоўцаў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com