У Літве знішчылі сем тон шакаладных цукерак, якія везлі ў Беларусь

Гэтага запатрабавалі ўладальнікі гандлёвага знака Ferrero.

У Клайпедскім марскім порце літоўскія мытнікі знішчылі 7 тон падробленых шакаладных цукерак з надпісам «DEFFERO». Дызайн упакоўкі і надпісы былі ідэнтычныя прадукцыі вядомага брэнда «FERRERO S. P. A.».

Мытнікі западозрылі, што гэта можа быць кантрафактная прадукцыя. Яны затрымалі шакаладныя цукеркі і распачалі расследаванне, паведамляе DELFI.

У транзітнай дэкларацыі было ўказана, што тавар зроблены ў Кітаі. Прадаўцом партыі цукерак была абазначаная балгарская кампанія, а атрымальнікам — беларуская.

Клайпедскія мытнікі звязаліся з прадстаўніком уладальніка таварнага знака «FERRERO S. P. A.», і той пацвердзіў, што затрыманыя шакаладныя цукеркі былі вырабленыя з парушэннем правоў інтэлектуальнай уласнасці. Кампанія FERRERO запатрабавала знішчыць кантрафактную прадукцыю.

Мяркуецца, што калі б затрыманы тавар патрапіў на рынак і прадаваўся як арыгінальная прадукцыя, яго кошт дасягнуў бы 282 тысяч еўраў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com